ဆယ်စုနှစ်တခုကြာ အစီအစဉ်တခုအတွင်း အမေရိကန်ပြည်ထောင်စုမှာ တရားဝင် လူဝင်မှုကြီးကြပ်ရေး အဆင့်အတန်းတခုရဖို့ တရုတ်နိုင်ငံသားတွေ အများစုပါတဲ့ အတုအယောင် လက်ထပ်ထိမ်းမြားမှု ၁,၀၀၀ လောက်ကို စီစဉ်ပေးခဲ့သူ လူ ၁၁ ယောက်ကို အမေရိကန် တရားရေးဌာနက သြဂုတ် ၁၂ ရက်မှာ တရားစွဲခဲ့ပါတယ်။

အမေရိကန်နိုင်ငံသားတယောက်နဲ့ တွဲဖက်ပေးဖို့နဲ့ တရားဝင် နေထိုင်ခွင့်ရဖို့ နိုင်ငံခြားသားတွေဟာ "အကျိုးဆောင်" ၆ ယောက်ပါတဲ့ အဖွဲ့ကို တယောက် ဒေါ်လာ ၁ သိန်းအထိ ပေးဆောင်ခဲ့တယ်လို့ မန်ဟက်တန်က ပြည်ထောင်စုတရားရုံးမှာ ထုတ်ဖော်ပြသခဲ့တဲ့ စွဲချက်ကို ကိုးကားပြီး ရိုက်တာ သတင်းဌာနက ဖော်ပြပါတယ်။

စွဲချက်အရ လက်ထပ်ထိမ်းမြားမှုကို သဘောတူဖို့ အမေရိကန်နိုင်ငံသားတွေကို ဒေါ်လာ ၃၀,၀၀၀ အထိ ပေးခဲ့ပါတယ်။ 

အဲဒီနောက် တရုတ်နိုင်ငံသားက တရားဝင် အမြဲတမ်းနေထိုင်သူ ဖြစ်လာစေဖို့ မင်္ဂလာဆောင် အသစ်တွေကို အမေရိကန် ပြည်ထဲရေးလုံခြုံရေးဌာနဆီ စာရွက်စာတမ်းတွေသွင်းဖို့ အစီအစဉ်မှာ ပါသူတွေက ကူညီပေးခဲ့ပါတယ်။

ရှေ့နေချုပ် တော့ဒ် ဘလန့်ရှ်က ဒီအစီအစဉ်ကို အမေရိကန်သမိုင်းမှာ အကြီးမားဆုံး အိမ်ထောင်ရေး လိမ်လည်မှုအပေါ် တရားစွဲဆိုမှုတွေထဲက တခုအဖြစ် ဖော်ပြခဲ့ပါတယ်။

အမေရိကန်ပြည်ထောင်စုမှာ မွေးတဲ့ ကလေးငယ်တွေအတွက် နိုင်ငံသားအခွင့်အရေးတွေကို ကျယ်ကျယ်ပြန့်ပြန့်ပေးဖို့ အမေရိကန်ပြည်ထောင်စု တရားရုံးချုပ်က ဆုံးဖြတ်ခဲ့တာပါ။

အဲဒီနောက် “ကလေးမွေးဖို့ ခရီးသွားတဲ့လုပ်ငန်း” ကို ကန့်သတ်ဖို့ ရည်ရွယ်တဲ့ သမ္မတ ဒေါ်နယ်ထရမ့်ပ်က ပြီးခဲ့တဲ့အပတ်က လက်မှတ်ရေးထိုးခဲ့တဲ့ အမိန့်တရပ် ထွက်လာပြီးတဲ့နောက် ကြေညာချက် ထုတ်ပြန်ခဲ့တာ ဖြစ်ပါတယ်။

Source: Reuters