ဂျာဗားမြေပြိုမှု၌ ပျောက်ဆုံးသူ ၂၁ ဦးကို ရှာဖွေရန် ကြိုးစား
DVB
·
November 15, 2025
အင်ဒိုနီးရှားနိုင်ငံအလယ်ပိုင်း ဂျာဗားပြည်နယ်ရှိ စီလာကပ်ဒေသမှာ နိုဝင်ဘာ ၁၃ ရက် နှောင်းပိုင်းက မြေပြိုမှုဖြစ်ပွားခဲ့တာကြောင့် အနည်းဆုံး လူ ၂ ယောက် သေဆုံးပြီး ၂၁ ယောက် ပျောက်ဆုံးနေကြောင်း ဒေသမီဒီယာတွေက ဖော်ပြပါတယ်။
ကျေးရွာရဲ့ အစိတ်အပိုင်းတွေကို မြေပြိုမှုဖြစ်ပွားခဲ့ပြီးနောက် ကယ်ဆယ်ရေးသမားတွေဟာ အသက်ရှင် ကျန်ရစ်သူတွေကို ရှာဖွေနေကြပါတယ်။
ရုပ်မြင်သံကြားမှာ ပြသထားတဲ့ ဗီဒီယိုထဲမှာ မြေတူးသမားတွေဟာ မြေပြိုမှုဖြစ်ပွားရာနေရာရှိ ရွှံ့နွံတွေ အကြားကို ရှင်းလင်းနေချိန်မှာ ပျက်စီးသွားတဲ့ နေအိမ်တွေရဲ့ အပျက်အစီးတွေကို မြင်တွေ့ရပါတယ်။
စီလာကပ်ဒေသမှာ ရက်အတော်ကြာ မိုးသည်းထန်စွာရွာသွန်းမှုကြောင့် မြေပြိုမှုဖြစ်ပွားခဲ့ကြောင်း စီလာကပ် သဘာဝဘေးအန္တရာယ်အေဂျင်စီက ပြောပါတယ်။
Source:Reuters
Live
