နည်းပြအာမိုရင်အပေါ် မန်ယူအသင်းဘုတ်အဖွဲ့ရဲ့ စိတ်ရှည်သည်းခံပေးမှုဟာ အကန့်အသတ် ရှိလာပြီဖြစ်တယ်လို့ သိရပါတယ်။
မန်ယူအသင်းဟာ အခုနှစ်ရာသီမှာလည်း ရလဒ်မကောင်းဖြစ်နေဆဲဖြစ်ပြီး ပွဲစဉ် ၆ အပြီးမှာ အဆင့် ၁၄ နေရာအထိ ရောက်ရှိနေတာပါ။
စက်တင်ဘာ ၄ ရက် ဒီကနေ့ညမှာ ကစားမယ့် ဆန်းဒါးလန်းနဲ့ပွဲမှာ ဆက်ပြီး ရလဒ်မကောင်းဖြစ်ခဲ့မယ် ဆိုရင်တော့ နည်းပြအာမိုရင်ရဲ့ အနာဂတ်အပေါ် အသင်းပူးတွဲပိုင်ရှင် ဆာဂျင်ရတ်ကလစ်ဖ်နဲ့ ဘုတ်အဖွဲဝင်တွေက ပြန်လည်သုံးသပ်စဉ်းစားသွားဖို့ရှိတယ်လို့ သိရပါတယ်။
နည်းပြအာမိုရင်ကတော့ မန်ယူအသင်းကို ဆက်လက်တာဝန်ယူကာ တိုက်ပွဲဝင်သွားဖို့ ဆန္ဒရှိပြီး အသင်းအနေနဲ့ ရလဒ်ကောင်းမွန်လာဖို့ အရေးတကြီးလိုအပ်နေတာကိုလည်း သိရှိ နားလည်ထားကြောင်း ပြောပါတယ်။
မန်ယူနဲ့တွေ့ဆုံမယ့် တန်းတက်ဆန်းဒါးလန်းအသင်းဟာပွဲစဉ် ၆ ပွဲ အပြီးမှာ ခြေစွမ်းပြကစားထားပြီး ၃ ပွဲနိုင် ၂ ပွဲသရေ ၁ ပွဲရှုံးရလဒ်နဲ့ အဆင့် ၆ နေရာမှာ ရပ်တည်နေပါတယ်။
Photo:Reuters
