တူရကီကလပ် ဘက်ဆစ်တပ် အသင်းဟာ ကွန်းဖရင့်လိဂ် ခြေစစ်ပွဲမှာ ရှုံးနိမ့်ခဲ့ပြီးနောက် နည်းပြချုပ် အိုလီဂမ်နာဆိုးလ်ရှားကို ရာထူးကနေထုတ်ပယ်လိုက်ပါတယ်။

မန်ယူနည်းပြဟောင်းဟာ ၂၀၂၁ ခုနှစ်မှာ အသင်းဟောင်းကနေ ထွက်ခွါလာပြီးနောက် အခုနှစ် ၂၀၂၅ ဇန်နဝါရီလကမှ ဘက်ဆစ်တပ် အသင်းကို တာဝန်ယူခဲ့တာပါ။

တူရကီလိဂ်မှာ စတုတ္ထရပြီးနောက် ယူရိုပါလိဂ်ခြေစစ်ပွဲမှာလည်း ရှက်တာဒိုးညက်ဇ်ကို နှစ်ကျော့စလုံး ရူံးနိမ့်ခဲ့တာပါ။

အဲဒီနောက် ကွန်းဖရင့်လိဂ် ခြေစစ်ပွဲ ဆင်းကစားခဲ့ရပြီး  ပထမအဆင့်မှာ အိုင်ယာလန်ကလပ် ကိုအနိုင်ရခဲ့ပေမဲ့ ဒုတိယအဆင့်မှာတော့ ဆွစ်ဇာလန် မထင်မရှားကလပ် လော့ဆန်းကို နှစ်ကျော့ပေါင်းရလဒ် ၂ ဂိုး ၁ ဂိုးနဲ့ ရှုံးနိမ့်ပြီး ပြိုင်ပွဲကနေ ထွက်ခွါခဲ့ရတာပါ။

အဲဒီပွဲပြီး နောက် နည်းပြဆိုးလ်ရှားကို ထုတ်ပယ်ကြောင်း ဘက်ဆစ်တပ်အသင်းက တရားဝင်ထုတ်ပြန်ခဲ့တာ ဖြစ်ပါတယ်။

Photo:Reuters