လီဗာပူးအသင်းကို ပရီးမီးယားလိဂ်ချန်ပီယံဖြစ်အောင် စွမ်းဆောင်ပေးခဲ့တဲ့ နည်းပြ အာနဲစလော့ဟာ တာဝန်ယူအပြီး ၁ နှစ်အကြာမှာပဲ ရာထူးကနေ ထုတ်ပယ်ခံလိုက်ရပါတယ်။

ပြီးခဲ့တဲ့ရာသီက လီဗာပူးအသင်းဟာ ပေါင် ၄၁၅ သန်းအထိ စံချိန်တင် အသုံးစရိတ် သုံးစွဲခဲ့ပေမဲ့လည်း ရလဒ်ပိုင်းဆိုးရွားပြီး အဆင့် ၅ နေရာနဲ့ပဲ ရာသီသိမ်းခဲ့လို့ ချန်ပီယံဆုကို ကာကွယ်ဖို့ ပျက်ကွက်ခဲ့တာကြောင့် အခုလို ဆုံးဖြတ်ခဲ့တာ ဖြစ်ပါတယ်။ 

စလော့ဟာ ပြီးခဲ့တဲ့ရာသီအတွင်း ပွဲပေါင်း ၂၀ အထိ ရှုံးနိမ့်ခဲ့ပြီး ကစားကွက်ပုံစံအပေါ် ပရိသတ်တွေနဲ့ မိုဟာမက်ဆာလာ အပါအဝင် အဓိက ကစားသမားတချို့ရဲ့ ဝေဖန်မှုတွေကိုလည်း ရင်ဆိုင်ခဲ့ရပါတယ်။ 

လက်ရှိမှာတော့ လီဗာပူးအသင်းရဲ့ နည်းပြသစ်ဖြစ်လာဖို့ ဘုန်းမောက်နည်းပြဟောင်း အန်ဒိုနီ အီရာအိုလာက ရေပန်းအစားဆုံး ဖြစ်နေပြီး စတုဂတ်နည်းပြ ဆီဘက်ရှီယန် ဟိုးနက်စ်ကိုလည်း အသင်းဘက်က ထည့်သွင်းစဉ်းစားနေပါတယ်။