ကရင်အမျိုးသားကာကွယ်ရေးအဖွဲ့ (KNDO) စတင်တည်ထောင်ခြင်း ၇၈ နှစ်ပြည့် အထိမ်းအမှတ် အခမ်းအနားကို ကရင်ပြည်နယ် လှိုင်းဘွဲမြို့နယ် မွေကေပူဌာနချုပ်မှာ ဇူလိုင် ၁၆ ရက်က ကျင်းပပါတယ်။

KNDO တည်ထောင်တဲ့နေ့ အထိမ်းအမှတ်ပွဲတွေကို ကရင်ပြည်နယ်မှာသာမက တနင်္သာရီတိုင်း တပ်မဟာ ၄ ထိန်းချုပ်နယ်မြေနဲ့ တပ်မဟာအသီးသီးတို့မှာလည်း ကျင်းပသွားပြီး KNDO တပ်သားတွေအတွက် စိတ်ဓာတ်ရှင်သန်ရေးနဲ့ မျိုးချစ်စိတ်ခိုင်မာစေရေးအတွက် ထိုက်တန်တဲ့ ရာထူးတွေနဲ့အတူ  အဆင်မြင့်တာဝန်တွေကိုလည်း ပေးအပ်သွားပါတယ်။

KNDO ကရင်အမျိုးသားကာကွယ်ရေးအဖွဲ့ကို ၁၉၄၇ ခုနှစ် ဇူလိုင် ၁၆ ရက်မှာ စတင် ဖွဲ့စည်းခဲ့တာ ဖြစ်ပါတယ်။