ရုရှားက ယူကရိန်းရဲ့ လောင်စာဆီ ထောက်ပံ့ရေးစက်ရုံတွေကို ဇွန် ၃၀ ရက်မှာ တိုက်ခိုက်ခဲ့ပြီး အဲဒီနေ့မှာပဲ ပေါ့ခ်ရော့ဗ်စ်ခ်မြို့ လမ်းကြောင်းမှာ ရုရှားတပ်တွေ အကြီးအကျယ် စုရုံးနေတယ်လို့ ယူကရိန်းက ပြောပါတယ်။
လွန်ခဲ့တဲ့ ၂၄ နာရီအတွင်း ရုရှားတပ်ဖွဲ့ဝင်တွေက ယူကရိန်းရေတပ်ရဲ့ လောင်စာဆီထောက်ပံ့ရေး စက်ရုံတွေ၊ ထုတ်လုပ်ရေး၊ တပ်ဆင်ရေးနဲ့ သိုလှောင်ရေးနေရာတွေ၊ မောင်းသူမဲ့လေယာဉ်တွေနဲ့ ခဲယမ်းမီးကျောက်တွေကို တိုက်ခိုက်ခဲ့တယ်လို့ ရုရှားကာကွယ်ရေးဝန်ကြီးဌာနက ပြောပါတယ်။
ရုရှားလေကြောင်းကာကွယ်ရေးစနစ်က ယူကရိန်းဒရုန်း ၁၄၄ စင်းကိုလည်း ပစ်ချခဲ့တယ်လို့ ဝန်ကြီးဌာနက ပြောပါတယ်။
အဲဒီနေ့မှာပဲ ယူကရိန်းသမ္မတ ဗိုလိုဒီမာ ဇလန်းစကီးက ပေါ့ခ်ရော့ဗ်စ်ခ်မြို့ လမ်းကြောင်းမှာ ရုရှားတပ်ဖွဲ့ဝင်အများအပြား စုရုံးနေပြီး အဲဒီဒေသမှာ ပြင်းထန်တဲ့ တိုက်ပွဲတွေ ဆက်ဖြစ်နေကာ တိုက်ခိုက်မှု အများအပြားကို မြင်တွေ့ခဲ့ရတယ်လို့ ပြောပါတယ်။
ယူကရိန်းစစ်တပ်က ယူကရိန်းအရှေ့ပိုင်း စလိုဘို့ဇ်ဟန့်စ်ခ်ရွာဆီ ဦးတည်ပြီး ခံစစ်စစ်ဆင်ရေးတွေကို ဆက်လုပ်နေတယ်။
ယူကရိန်းအရှေ့မြောက်ပိုင်း ဆူမွေခရိုင်နဲ့ နယ်စပ်က ရုရှားရဲ့ တိုက်ခိုက်မှုအများအပြားကို အောင်အောင်မြင်မြင် ချေမှုန်းနိုင်ခဲ့တယ်လို့ ယူကရိန်းတပ်မတော် စစ်ဦးစီးချုပ်က ပြောပါတယ်။
Source: Reuters
