၂၀၂၃ ခုနှစ် အောက်တိုဘာ ၇ ရက်ကစတဲ့ ဟားမတ်စ်နဲ့ အစ္စရေးတို့ကြား ပဋိပက္ခကြောင့် ဂါဇာကမ်းမြောင်ဒေသမှာ ပါလက်စတိုင်းသေဆုံးသူ ၅၅,၆၃၇ ယောက်အထိ မြင့်တက်လာပြီး  ၁၂၉,၈၈၀ ယောက် ဒဏ်ရာရခဲ့တယ်လို့ ဂါဇာ ကျန်းမာရေးအာဏာပိုင်တွေကို ကိုးကားပြီး စီစီတီဗီ သတင်းဌာနက ဇွန် ၁၈ ရက်မှာ ပြောပါတယ်။

လွန်ခဲ့တဲ့ ၂၄ နာရီအတွင်း အစ္စရေးရဲ့ တိုက်ခိုက်မှုတွေကြောင့် ပါလက်စတိုင်း ၁၄၄ ယောက် သေဆုံးပြီး အယောက် ၅၆၀  ဒဏ်ရာရခဲ့တယ်လို့ ကျန်းမာရေးအာဏာပိုင်တွေက ဇွန် ၁၈ ရက်မှာ ပြောပါတယ်။

ပဋိပက္ခတွေ အရှိန်ပြင်းလာတာနဲ့အမျှ အကူအညီနဲ့ ဘေးကင်းရေးကို ရှာဖွေနေသူတွေအတွက် အခြေအနေက ဆိုးရွားနေဆဲပါ။ 

အမေရိကန်ကျောထောက်နောက်ခံပြုထားတဲ့ အကူအညီပေးရေးဌာန ၂ ခုနားက ပစ်ခတ်မှု အပါအဝင် ဂါဇာဒေသမှ  ဗုဒ္ဓဟူးနေ့က အစ္စရေးရဲ့ ပစ်ခတ်မှုကြောင့် ပါလက်စတိုင်း ၃၇ ယောက် ထက်မနည်း သေဆုံးခဲ့တယ်လို့ ဒေသတွင်း သတင်းရင်းမြစ်တွေက ပြောပါတယ်။

ဂါဇာအလယ်ပိုင်းက နက်ဇာရင်မ် လမ်းဆုံနားမှာ လူသားချင်းစာနာထောက်ထားမှု အကူအညီရဖို့ စုနေတဲ့ လူအုပ်ကို အစ္စရေးတပ်ဖွဲ့တွေက ပစ်ခတ်ခဲ့တယ်လို့ မျက်မြင်သက်သေတွေက ပြော ပါတယ်။

နူဆေးရတ်မြို့ အယ်လ်အော်ဒါ ဆေးရုံမှာ အလောင်း ၁၁ လောင်းရထားပြီး ဒဏ်ရာရရှိသူ ၇၀ ကျော်ကို ကုသပေးခဲ့ရပါတယ်။

ဂါဇာတောင်ပိုင်းက ရာဖာမြို့ အနောက်ဘက်မှာ တခြား အမေရိကန် ကျောထောက်နောက်ခံပြု ထောက်ပံ့ ဖြန့်ဖြူးရေးနေရာအနားမှာ အစ္စရေးရဲ့ ပစ်ခတ်မှုကြောင့် ပါလက်စတိုင်း ၂ ယောက်ထက်မနည်း သေဆုံးပြီး ဒါဇင်နဲ့ချီ ဒဏ်ရာရခဲ့တယ်လို့ ဆေးဘက်ဆိုင်ရာ သတင်းရင်းမြစ်တွေက ပြောပေမဲ့ အစ္စရေးစစ်တပ်ကတော့ ဒီဖြစ်ရပ်နဲ့ ပတ်သက်ပြီး မှတ်ချက်မပေးသေးပါဘူး။

Source: Reuters