ပါကစ္စတန်နိုင်ငံထဲမှာ ဆယ်စုနှစ်ချီ နေထိုင်ခဲ့ကြသူတွေ အပါအဝင် အထောက်အထားမဲ့ အာဖဂန်နိုင်ငံသားတွေ နိုင်ငံထဲကနေ ထွက်သွားဖို့ နေရပ်ပြန်ပို့ရေး အစီအစဉ်ကို အရှိန်မြှင့်ရင်း ပါကစ္စတန်အစိုးရက အတင်းအကျပ် တွန်းအားပေးခဲ့ပါတယ်။
အဲဒီနောက် ဧပြီ ၇ ရက်မှာ ထောင်နဲ့ချီတဲ့ အာဖဂန်ဒုက္ခသည်တွေ ထော့ခမ်နယ်စပ်ကို ဖြတ်ပြီး ဆက်တိုက် ဝင်လာနေကြပါတယ်။
မကြာသေးမီက ပါကစ္စတန်နိုင်ငံကနေ နှင်ထုတ်ခံခဲ့ရတဲ့ အာဖဂန်နိုင်ငံသား လယ်လ်ဆာအိက “အဲဒီမှာ ဆိုးရွားတဲ့အခြေအနေတွေကို ရင်ဆိုင်ခဲ့ရတယ်” လို့ ပြောပါတယ်။
“ပါကစ္စတန်ရဲတွေက ညတုန်းက ငါတို့အိမ်ကို ဝင်စီးပြီး သားနှစ်ယောက်ကို ခေါ်ဆောင်သွားတယ်။ သူတို့ ထောင်ထဲမှာ နေနေတုန်းပဲ။ ငါ့မှာ သက်သေရှိတယ်” လို့ သူက ဆက်ပြောပါတယ်။
မတ်လမှာ ပါကစ္စတန်ပြည်ထဲရေးဝန်ကြီးဌာနက တရားမ၀င် နိုင်ငံခြားသားတွေနဲ့ အာဖဂန် နိုင်ငံသားကတ် ကိုင်ဆောင်ထားသူ အားလုံးကို မတ် ၃၁ ရက် နောက်ဆုံးထားပြီး ပါကစ္စတန်နိုင်ငံထဲကနေ ထွက်သွားဖို့ ညွှန်ကြားချက် ထပ်ထုတ်ပြန်ခဲ့သလို ဧပြီ ၁ ရက်က စပြီး ပြည်နှင်ဒဏ် ပေးမယ်လို့လည်း သတိပေးခဲ့ပါတယ်။
Source : Reuters
