ပြိုင်ဘက်ပရိသတ်တွေကို မထီမဲ့မြင်လုပ်ခဲ့တဲ့ ရီးရဲလ်မက်ဒရစ်ကစားသမားတွေကို ဥရောပဘောလုံးအဖွဲ့ချုပ်က ဒဏ်ကြေးငွေတွေ ချမှတ်ခဲ့ပါတယ်။
ချန်ပီယံလိဂ်ရူံးထွက်အဆင့်မှာ အက်သလက်တီကိုနဲ့ ကစားခဲ့တဲ့ မက်ဒရစ်ဒါဘီပွဲစဉ်အပြီးမှာ ရီးရဲလ်ကစားသမားတွေက တီကိုပရိသတ်တွေကို လည်ပင်းကို ညှစ်ပြတဲ့ အပြုအမူတွေ လုပ်ဆောင်ခဲ့ကြတာပါ။
အဲဒီဖြစ်ရပ်ကို ဥရောပဘောလုံးအဖွဲ့ချုပ်က စစ်ဆေးခဲ့ပြီး ပွဲပယ်ပြစ်ဒဏ်ချမှတ်တဲ့အထိ ပြစ်ဒဏ်ချမှတ်နိုင်ပေမဲ့ ဆိုင်းငံ့ပွဲပယ်နဲ့ ဒဏ်ကြေးသာ ချမှတ်ခဲ့တာပါ။
နောက်ခံလူရူဒီဂါနဲ့ တိုက်စစ်မှူး အမ်ဘာပေတို့ကို ဆိုင်းငံ့တပွဲပယ်နဲ့ ဒဏ်ကြေး ယူရို ၃၀,၀၀၀ နဲ့ ၄၀, ၀၀၀ ချမှတ်ခဲ့ပြီး ကွင်းလယ်လူ ဆီဘယ်ယော့ကို ဒဏ်ကြေးယူရို ၂၀,၀၀၀ ချမှတ်ခဲ့ ပါတယ်။
အမှုတွဲမှာပါဝင်ခဲ့တဲ့ တောင်ပံကစာသမား ဗင်နီဆီးယက်စ်ကိုတော့ ဥရောပဘောလုံးအဖွဲချုပ်က အရေးယူခြင်းမရှိဘဲ ကင်းလွတ်ခွင့်ပေးခဲ့ပါတယ်။
မက်ဒရစ်ဟာ ချန်ပီယံလိဂ်ကွာတား ဖိုင်နယ်မှာ အာဆင်နယ်နဲ့ရင်ဆိုင်ရမှာဖြစ်ပြီး ကစားသမားအားလုံး ပါဝင်ကစားခွင့်ရရှိတော့မှာ ဖြစ်ပါတယ်။
Photo; Reuters
