ကွင်းလယ်လူ ကီဗင်ဒီဘရိုင်းအတွက် ရုပ်တု ထုလုပ်ပြီး မန်စီးတီးအသင်း ဂုဏ်ပြုမည်
DVB
·
April 5, 2025
မန်စီးတီးအသင်းဟာ ကွင်းလယ်လူ ကီဗင်ဒီဘရိုင်းအတွက်ရုပ်တု ထုလုပ်ပြီး ဂုဏ်ပြုသွား မယ်လိုသိရပါတယ်။
ဘယ်လ်ဂျီယံကွင်းလယ်ကစားသမားဟာ မန်စီးတီးအသင်းရဲ့ အအောင်မြင်ဆုံး ခေတ်တခုမှာ အဓိကနေရာကနေ ပါဝင်ခဲ့သူဖြစ်ပြီး အခုနှစ်ရာသီကုန်ဆုံးချိန်မှာ အသင်းကနေ ထွက်ခွါတော့မှာပါ။
အသင်းမှာ ၁၀ နှစ်ကြာပေးဆပ်ကစားခဲ့ပြီး အောင်မြင်မှုတွေရယူပေးခဲ့တဲ့ ဒီဘရိုင်းကို ဂန္ထဝင်ကစားသမားတယောက်အဖြစ် မန်စီးတီးကသတ်မှတ်ပြီး ရုပ်တုတခု ထုလုပ်ကာ ဂုဏ်ပြုသွားဖို့ ရှိနေတာပါ။
ဒီဘရိုင်းထွက်ခွါမယ့်သတင်းက ဝမ်းနည်းစရာဖြစ်ပြီး လက်ကျန်အချိန်တွေကို ပျော်ရွှင်စွာနဲ့ ဖြတ်သန်သွားမှာဖြစ်ကြောင်း နည်းပြဂွါဒီယိုလာက ပြောပါတယ်။
မန်စီးတီးအသင်းဟာ ကစားသမားဟောင်းတွေဖြစ်ကြတဲ့ ကွန်ပနီ၊ ဒေးဗစ်ဆေးလ်ဗားနဲ့ အဂွဲရိုးတို့ကိုလည်း ရုပ်တုထုလုပ်ပြီး အီတီဟတ်ကွင်းထဲမှာ ဂုဏ်ပြုပြသထားပါတယ်။
Photo;Reuters
