အကောင်းဆုံးအသင်းတွင် ကစားလိုဟု လီဗာပူးပစ်မှတ် ကစားသမား ကာကတ်ဇ် ပြော
DVB
·
March 30, 2025
အကောင်းဆုံးအသင်းမှာ ကစားချင်တဲ့ အိပ်မက်ရှိကြောင်း လီဗာပူးပစ်မှတ် နောက်ခံလူ မီလော့စ်ကာကတ်ဇ်က ပြောသွားပါတယ်။
အသက် ၂၁ နှစ်ရှိ ဟန်ဂေရီ ဘယ်နောက်ခံလူဟာ ဘုန်းမောက်အသင်းမှာ ခြေစွမ်းကောင်း ပြသနေပြီး လီဗာပူးအသင်း အပါအဝင် ထိပ်တန်းအသင်းတွေရဲ့ ခေါ်ယူဖို့ စိတ်ဝင်စားခြင်းခံနေရသူပါ။
The Athletic သတင်းစာနဲ့ အင်တာဗျူး တခုမှာတော့ အပြောင်းအရွှေ့သတင်းတွေနဲ့ ပတ်သက်လို့ ဆုဖလားတွေ ရယူနိုင်မယ့် အကောင်းဆုံး အသင်းတစ်သင်းမှာ ကစားချင်တာက ကစားသမားတိုင်းရဲ့ အိပ်မက်ဖြစ်ကြောင်း ပြောခဲ့တာပါ။
လီဗာပူးနည်းပြ အာနဲစလော့ဟာလည်း ပြီးခဲ့တဲ့ဖေဖော်ဝါရီလအတွင်းက ကာကတ်ဇ်ရဲ့ စွမ်းဆောင်ရည်အပေါ် ချီးကျူးပြောကြားခဲ့ဖူးပါတယ်။
လီဗာပူးဟာ ဘယ်နောက်ခံလူ ရော်ဘတ်ဆန် နေရာအတွက် ပေါင်သန်း ၄၀ ထက် ပိုမပေးရနိုင်တဲ့ ကာကတ်ဇ်ကို ခေါ်ယူဖို့ ပစ်မှတ်ထား ကြိုးပမ်းမယ်လို့ သိရပါတယ်။
