ဂါဇာမြောက်ပိုင်းမှာ ရာနဲ့ချီတဲ့ ပါလက်စတိုင်းသားတွေဟာ စစ်ပွဲကို အဆုံးသတ်ဖို့ တောင်းဆိုပြီး “ဟားမတ်စ် ထွက်သွား” လို့ ကြွေးကြော်ခဲ့ကြတဲ့ ဗီဒီယိုတွေကို မတ် ၂၅ ရက်က ဆိုရှယ်မီဒီယာမှာ တင်ထားခဲ့ပါတယ်။
ဗီဒီယိုတခုထဲမှာ မြင်တွေ့ရတဲ့ “ဟားမတ်စ်တွေ ထွက်သွား” လို့ ကြွေးကြော်နေသူတွေဟာ စစ်ကြောင့် ပျက်စီးသွားတဲ့ အဆောက်အအုံတွေအကြားက ဖုန်ထူတဲ့လမ်းပေါ်ကို ချီတက်လာခဲ့ကြပါတယ်။
ဘေ့ထ်လဟိယာမြို့ကို တည်နေရာပြနေတဲ့ ဗီဒီယိုတွေဟာ ၂၀၂၃ ခုနှစ် အောက်တိုဘာ ၇ ရက်က အစ္စရေးကို ဝင်စီးပြီး စစ်မီးမွှေးခဲ့တဲ့ စစ်သွေးကြွအုပ်စုကို ရှားရှားပါးပါး လူသိရှင်ကြား ဆန့်ကျင်ကန့်ကွက်မှုကို ပြသနေတာ ဖြစ်ပါတယ်။
ဂါဇာမှာ အလားတူ မြင်ကွင်းဗီဒီယိုပေါင်းများစွာကို မတ် ၂၅ ရက်က လူမှုကွန်ရက်ပေါ်ကို တင်ခဲ့ကြပါတယ်။
ဂါဇာမြောက်ပိုင်းဒေသဟာ အောက်တိုဘာ ၇ ရက် တိုက်ခိုက်မှုကို တုံ့ပြန်ခဲ့တဲ့ အစ္စရေးရဲ့ စစ်ရေး စစ်ဆင်ရေး စတင်ချိန်ကတည်းက ဂါဇာရဲ့ အပျက်အစီးဆုံးဒေသတွေထဲက တခုဖြစ်ပါတယ်။
လူနေထူထပ်တဲ့ နယ်မြေဧရိယာတွေရှိ အဆောက်အအုံ အများစုဟာ အပျက်အစီးတွေအဖြစ် ပြောင်းလဲကုန်ပြီး လူဦးရေအများစုဟာ တိုက်ပွဲပဋိပက္ခတွေက လွတ်မြောက်ဖို့ အကြိမ်ပေါင်းများစွာ ရွှေ့ပြောင်းခဲ့ကြရတာ ဖြစ်ပါတယ်။
Source : Reuters
