Facebook နဲ့ Instagram မိခင်ကုမ္ပဏီ Meta ဟာ ဗြိတိန်မှာ subscribe လုပ်ပြီး ကြော်ငြာတွေ ဖယ်ရှားနိုင်မယ့် ငွေပေးချေရတဲ့ အစီအစဉ် လုပ်ဖို့ စဉ်းစားနေပါတယ်။
အသုံးပြုသူတွေနဲ့ သူတို့ရဲ့ ဒေတာအချက်အလက်တွေကို မသိရှိစေချင်ပါက ad-free ကို အခပေးပြီး သုံးစွဲရမှာ ဖြစ်ပါတယ်။
ဒါဟာ ပြီးခဲ့တဲ့အပတ်က ဗြိတိန်အမျိုးသမီးတယောက်ကို ကြော်ငြာအတွက် ပစ်မှတ်ထားမှုကို ရပ်တန့်ဖို့ သဘောတူညီမှုအပြီးမှာ အခုလို ကုမ္ပဏီက ပြုလုပ်ဖို့ စီစဉ်လာတာပါ။
Meta ဟာ facebook နဲ့ Instagram မှာ ad-free ကို အခကြေးငွေယူပြီး ပြုလုပ်မှုကို အီးယူနိုင်ငံတွေမှာ အစောပိုင်းကတည်းက စတင်ခဲ့ပြီး တလကို ယူရို ၅ ဒသမ ၉၉ က စတင်ပြီး ကောက်ခံလေ့ရှိပါတယ်။
Meta ဟာ ဥရောပမှာ ၂၀၂၃ အောက်တိုဘာလကတည်းက ad-free ကို စတင်ခဲ့ပြီး စတဲ့အချိန်တုန်းက တလကို ယူရို ၉ ဒသမ ၉၉ ကောက်ခံခဲ့ပါတယ်။
ကုမ္ပဏီရဲ့ ပြောရေးဆိုခွင့်ရှိသူတယောက်က ဗြိတိန်မှာလည်း ဒီလိုအစီအစဉ်စဖို့ ပြောဆိုခဲ့ပါတယ်။
၂၀၂၄ ခုနှစ်က ဆွေးနွေးတိုင်ပင်မှုနောက်ပိုင်း ဗြိတိန်ရဲ့ ဒေတာတွေကို စောင့်ကြည့်ရေးအဖွဲ့နဲ့ အပြုသဘောဆောင်တဲ့ အခပေးစနစ်ကို ပြုလုပ်မယ်လို့ Meta က ပြောပါတယ်။
Ad-free ဆားဗစ်မစတင်ခင် ဒေတာကာကွယ်မှုအတွက် စိုးရိမ်စိတ်ကို Meta စဉ်းစားရမယ်လို့ သတင်းအချက်အလက်ကော်မရှင်နာရုံးက ပြောထားပါတယ်။
Meta က အဲဒီပလက်ဖောင်းမှာ ကိုယ်ပိုင်ကြော်ငြာတွေကို အလကား အသုံးပြုခွင့် ပေးမယ်လို့လည်း ပြောပါတယ်။
ဆိုရှယ်မီဒီယာ ပလက်ဖောင်းတွေနဲ့ ရပ်တည်နေတဲ့ Meta ဟာ သူ့ရဲ့ဝင်ငွေကို ကြော်ငြာတွေအပေါ် အဓိက မှီခိုနေရပါတယ်။
Meta ရဲ့ နောက်ဆုံး ၃ လပတ် ဝင်ငွေတွေကို ကြည့်ရင် ၉၆ ရာခိုင်နှုန်းက ကြော်ငြာတွေကရတဲ့ ဝင်ငွေ ဖြစ်ပါတယ်။
တခြားဆိုရှယ်မီဒီယာတွေဖြစ်တဲ့ Snapchat, Tiktok နဲ့ X တို့ကလည်း Subscription တွေလုပ်ပြီး ad-free နဲ့ ဝင်ငွေရှာဖို့ ပြင်ဆင်နေကြပါတယ်။
Source : Reuters
