လီဗာပူးအသင်းဟာ လူငယ်ညာနောက်ခံလူ ဘရတ်ဒ်လေကို လုပ်ခ ၇ ဆကျော် တိုးမြှင့်ပေးပြီး စာချုပ်သစ် ချုပ်ဆိုဖို့ စီစဉ်နေပါတယ်။
မြောက်အိုင်ယာလန်နောက်ခံလူဟာ အခုနှစ်ရာသီမှာ ဒဏ်ရာပြဿနာတွေကြောင့် ပရီးမီးယားလိဂ် ၁၂ ပွဲသာ ကစားခွင့်ရထားပေမဲ့ စီနီယာနောက်ခံလူ အာနိုးလ်ရဲ့နေရာမှာ အစားထိုး ကစားနိုင်သူအဖြစ် သတ်မှတ်ခံထားရသူပါ။
ဘရတ်ဒ်လေရဲ့ လက်ရှိလုပ်ခက တပတ်ကို ပေါင် ၁၀၀၀၀ သာရရှိနေတာကြောင့် ၅ နှစ် စာချုပ်သစ် ချုပ်ဆိုအပြီးမှာ တပတ်လုပ်ခပေါင် ၇၅၀၀၀ အထိ တိုးမြှင့်ရရှိမယ်လို The Sun သတင်းမှာ ဖော်ပြပါတယ်။
အဆိုပါလုပ်ခ ပမာဏဟာ အသင်းရဲ့ တိုက်စစ်မှူးဒီယက်ဇ်နဲ့ နောက်ခံလူ ကိုနာတေးတိုထက် ပိုမိုမြင့်မားတဲ့လုပ်ခ ဖြစ်ပါတယ်။
ညာနောက်ခံလူ အာနိုးလ်က အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာဖြစ်ပြီး လီဗာပူး အသင်းက အဲဒီနေရာအတွက် ဘရတ်ဒ်လေကို နှစ်ရှည်စာချုပ် ချုပ်ဆိုဖို လုပ်ဆောင်ခဲ့တာ ဖြစ်ပါတယ်။
