ချဲလ်ဆီးက ပရီးမီးယားလိဂ် အကောင်းဆုံးအသင်းဖြစ်လာပြီဟု ဘရန့်ဖို့ဒ်နည်းပြချီးကျူး
DVB
·
December 14, 2024
ချဲလ်ဆီးက ပရီးမီးယားလိဂ်ရဲ့ အကောင်းဆုံးအသင်းဖြစ်လာပြီလို့ ဘရန်ဖို့ဒ်နည်းပြ သောမက်စ် ဖရန့်က ချီးကျူးသွားပါတယ်။
ချဲလ်ဆီးနဲ့ ဘရန့်ဖို့ဒ်အသင်းတို့ဟာ တနင်္ဂနွေနေ့မှာ ယှဉ်ပြိုင်ရမှာ ဖြစ်ပြီး ပွဲကြိုသတင်းစာရှင်းလင်းပွဲမှာ ချဲလ်ဆီအသင်းကို သောမက်စ်ဖရန့်ကချီးကျူးခဲ့တာပါ။
အမှတ်ပေးဇယားထိပ်ဆုံးမှာ လီဗာပူးအသင်းကရပ်တည်နေပေမဲ့ ချဲလ်ဆီးအသင်းရဲ့ စွမ်းဆောင်ရည်က ပိုပြီးကောင်းမွန်ကြောင်း၊ နည်းပြမာရက်စ်ကာရဲ့ အသင်းဟာ ကစား ပုံအရလည်း ကောင်းမွန်နေပြီး အလွန် အန္တရာယ်ရှိတဲ့အသင်းဖြစ်ကြောင်းလည်း ပြောပါတယ်။
ချဲလ်ဆီးအသင်းမှာ အရည်အသွေးမြင့်ကစားသမားတွေအများကြီးရှိလို့ အနိုင်ရဖို့ရေပန်းစားပေမဲ့ ဘရန့်ဖို့ဒ်အသင်းအနေနဲ့လည်း ဘယ်အသင်းကိုမဆို အနိုင်ယူနိုင်ကြောင်းနည်းပြ သောမက်စ်ဖရန့်က ပြောသွားပါတယ်။
Photo: Reuters
Live
