ကင်ညာနိုင်ငံမှာ လောင်စာဆီဈေးနှုန်း မြင့်တက်မှုကြောင့်ဖြစ်ပွားခဲ့တဲ့ ဆန္ဒပြမှုတွေက အကြမ်းဖက်သွားခဲ့ပြီး ဆန္ဒပြသူတွေက မြို့တဝန်းက လမ်းတွေကို ပိတ်ဆို့ခဲ့ကြပါတယ်။ 

ရဲအရာရှိ ၆ ယောက် ဒဏ်ရာရခဲ့ပြီး ရဲကား ၅ စီးနဲ့ အရပ်သားပိုင် ကားတစီး ပျက်စီးခဲ့ကာ သေဆုံးသူတော့ မရှိသေးပါဘူး။

လူတချို့က ဆိုင်တွေကို လုဖို့နဲ့ ပစ္စည်းတွေကို ဖျက်ဆီးဖို့ အခြေအနေကို အခွင့်ကောင်းယူနေတဲ့ ထောက်လှမ်းရေးသတင်းတွေကို အာဏာပိုင်တွေက ရထားပါတယ်။

နိုင်ရိုဘီရဲတပ်ဖွဲ့မှူး အစ်ဆာမိုဟာမွတ်က“ တရားမဝင် စုဝေးမှုကို ကိုင်တွယ်ဖြေရှင်းဖို့နဲ့ တရားဥပဒေစိုးမိုးရေးကို ပြန်ထိန်းသိမ်းဖို့ ဥပဒေအရ လိုအပ်တဲ့အင်အားကိုသုံးမယ်” လို့ ပြောပါတယ်။

စွမ်းအင်နဲ့ ရေနံ စည်းမျဉ်းထိန်းသိမ်းရေး အာဏာပိုင်အဖွဲ့က ကြေညာခဲ့တဲ့ လောင်စာဆီဈေးနှုန်းတွေ သိသိသာသာ မြင့်တက်လာပြီးတဲ့နောက် အခြေအနေတွေက မရေမရာ ဖြစ်လာခဲ့တာပါ။

ကင်ညာနိုင်ငံဟာ လောင်စာဆီအများစုကို အရှေ့အလယ်ပိုင်းကနေ တင်သွင်းပြီး ဒေသတွင်း ပဋိပက္ခနဲ့ ဆက်စပ်နေတဲ့ ကမ္ဘာလုံးဆိုင်ရာ ထောက်ပံ့မှုတွေ မတည်ငြိမ်တဲ့ အခြေအနေကို ခံရနိုင်ခြေ ရှိနေပါတယ်။

Source: Reuters