အပြီးမသတ်သေးတဲ့ အိမ်တွေ၊ အိမ်ရာတွေနဲ့ အိမ်ခြံမြေစျေးကွက်ကျဆင်းမှုကို ထောက် 'မ' ပေးနိုင်ဖို့  "White-list" စာရင်းဝင်အိမ်ခြံမြေစီမံကိန်းတွေအတွက် တရုတ်က ချေးငွေခွဲတမ်းကို ၂ ဆတိုးပြီး ၄ ထရီလီယံယွမ် (ဒေါ်လာ ၅၆၂ ဘီလီယံ)အထိ တိုးပေးမှာဖြစ်တယ်လို့ ကြေညာ လိုက်ပါတယ်။

အစိုးရက ဒီလိုမျိုး ချေးငွေတိုးပေးမယ် ကြေညာလိုက်ပေမဲ့ စျေးကွက်က မျှော်လင့်ထားတဲ့ ပမာဏအထိ မရောက်တဲ့အတွက်  ဟောင်ကောင်အိမ်ခြံမြေ စတော့စျေးတွေ ၈ ရာခိုင်နှုန်းကျော် ကျသွားခဲ့တယ်လို့ Bloomberg သတင်းဌာနက ဖော်ပြပါတယ်။ 

မူဝါဒချမှတ်သူတွေဟာ တရုတ်အိမ်ခြံမြေစျေးကွက်နဲ့ ပတ်သက်ပြီး လက်တွေ့ကျတဲ့ ချဉ်းကပ်မှုကို ကျင့်သုံးနေပြီး စီးပွားရေးတိုးတက်မှုအတွက် မောင်းနှင်အားအဖြစ် မသတ်မှတ်ထားသလို၊ ဆွဲချမဲ့အရာလို့လည်း မယူဆထားဘူးလို့ Greater China at Jones Lang LaSalle Inc.  က စီးပွားရေးပညာရှင် ဘရုစ်ပန်က သုံးသပ်ပါတယ်။

ရောင်းပြီးပေမဲ့ အပြီးမသတ်နိုင်သေးတဲ့အိမ်ရာ ၄၈ သန်းလောက်  အပြီးသတ်နိုင်ဖို့ အစိုးရရဲ့ တိုက်ရိုက်ပံ့ပိုးမှု ၃ ထရီလီယံ ယွမ်အထိ လိုတယ်လို့ ခန့်မှန်းထားကြပါတယ်။

တရုတ်အိမ်ခြံမြေစျေးကွက်ဟာ ဒီထက် ထပ်ကျစရာမရှိတော့ဘူးလို့ အစိုးရက ယူဆထားတယ်လို့ အိမ်ရာရေးရာဝန်ကြီးနိဟောင်က ဆိုပါတယ်။ 

အသုံးမပြုတဲ့ မြေတွေကို ဘဏ်တွေက ဝယ်ဖို့ ခွင့်ပြုဖို့ သင့်၊ မသင့်နဲ့ ကလေးနှစ်ယောက်ရှိတဲ့  မိသားစုတွေအတွက် တန်ဖိုးသင့်အိမ်ရာ တိုးပေးဖို့ သင့်၊ မသင့် အစိုးရက ချိန်ဆနေတယ်လို့လည်း ပြောပါတယ်။ 

Source-Reuters