စကော့တလန်နဲ့ နေးရှင်းလိဂ်ပွဲစဉ်မှာလည်း တိုက်စစ်မှူး စီရော်နယ်ဒိုကို အနားပေးသွားဖို့မရှိကြောင်း ပေါ်တူဂီနည်းပြ မာတီနက်ဇ်က ပြောသွားပါတယ်။

ရော်နယ်ဒိုဟာ ပိုလန်နဲ့ ပွဲစဉ်မှာ အနိုင်ဂိုး ၁ ဂိုး သွင်းခဲ့ပြီး နိုင်ငံအတွက် ၁၃၃ ဂိုးအထိ စံချိန်တင်သွင်းယူနိုင်ခဲ့တာပါ။

အဲဒီပွဲစဉ်အပြီး ၃ ရက်အကြာမှာ စကော့တလန်နဲ့ အဝေးကွင်းပွဲစဉ် ဆက်တိုက် ကစားရမှာဖြစ်ပေမဲ့ စီရော်နယ်ဒိုကို အနားပေးဖို့ မရှိဘဲ အသင်းလူစာရင်းမှာ ပါဝင်လာမှာဖြစ်တယ်လို့ နည်းပြမာတီနက်ဇ်က ပြောပါတယ်။

ကစားသမား အားလုံးရဲ့အခြေအနေကို လေ့လာသုံးသပ်ခဲ့ပြီး ရော်နယ်ဒိုဟာလည်း လေ့ကျင့်ရေးကွင်းမှာ အကောင်းဆုံးလုပ်ဆောင်နေဆဲ ဖြစ်တာကြောင့် စကော့တလန်နဲ့ပွဲ လူစာရင်းမှာ ပါဝင်လာမှာဖြစ်ကြောင်း ပြောပါတယ်။

အဝေးကွင်း ၂ ပွဲဆက်တိုက်ကစားရတာဖြစ်တဲ့အတွက် ပွဲထွက်လူစာရင်းအပြောင်းအလဲတော့ရှိ နိုင်ကြောင်း နည်းပြမာတီနက်ဇ်က ပြောသွားပါတယ်။