ဒီမိုကရက်တစ်မြန်မာ့အသံ (DVB) က စီစဉ်ကျင်းပမည့် Peacock Film Festival 2024 တွင် News Feature (ရုပ်သံဆောင်းပါး) ကဏ္ဍအတွက် ဝင်ရောက်ယှဉ်ပြိုင်ရန် ဖိတ်ခေါ်အပ်ပါသည်။

လျှောက်လွှာများကို ၂၀၂၄ ခုနှစ် အောက်တိုဘာလ ၁၀ ရက်နေ့ နောက်ဆုံးထား ပေးပို့ရပါမည်။ အသေးစိတ် အချက်အလက်နှင့် လျှောက်လွှာများကို အောက်ပါလင့်ခ် https://forms.gle/XEdaBe2CQGkuqiv6A တွင် ဖတ်ရှု ဖြည့်သွင်း ပေးပို့ပေးနိုင်ပါသည်။

ပြိုင်ပွဲဝင်စည်းကမ်းချက်များ 

* ၂၀၂၁ ခုနှစ်နောက်ပိုင်း မြန်မာအရေးနှင့် ပတ်သက်သော ရုပ်သံဆောင်းပါး ဖြစ်ရမည်။

* ရုပ်သံသည် ၁၅ မိနစ်ထက် မပိုစေရပါ။

* အရည်အသွေး - Full HD ဖြစ်ရမည်။

* စာတန်းထိုး - အင်္ဂလိပ်ဘာသာဖြင့် စာတန်းထိုး (SRT file) ပါရှိရမည်။

* မြန်မာစကားပြော မဟုတ်ပါက မြန်မာစာတန်းထိုး ဘာသာပြန် ပါဝင်ရမည်။

* ပိုစတာနှင့် ဇာတ်လမ်းအကျဉ်းချုပ် ပါရှိရမည်။

* Trailer သို့မဟုတ် Teaser ရှိပါက ထည့်သွင်းပေးပို့နိုင်သည်။

* မူပိုင်ခွင့် - ပေးပို့သူကိုယ်တိုင် မူပိုင်ခွင့် သို့မဟုတ် ပြသခွင့်ရှိသူ ဖြစ်ရမည်။

ပါဝင်ယှဉ်ပြိုင်နိုင်သူများ

* လွတ်လပ်သော မီဒီယာအဖွဲ့အစည်းများ

* အလွတ်တန်းသတင်းထောက်များ

* သတင်းအေဂျင်စီများ

* ရုပ်သံသတင်းထောက်များ (မိမိဌာနအဖွဲ့အစည်း၏ ခွင့်ပြုချက်ဖြင့်)

ဆုချီးမြှင့်ခြင်း 

အကောင်းဆုံးဆုအတွက် အမေရိကန်ဒေါ်လာ ၁,၀၀၀ ချီးမြှင့်မည်ဖြစ်သည်။ လွတ်လပ်သောဒိုင်အဖွဲ့က အကဲဖြတ် ဆုံးဖြတ်မည်ဖြစ်သည်။ ဆုရရှိသည့် ရုပ်သံဆောင်းပါးကို DVB ရုပ်သံနှင့် ဆိုရှယ်မီဒီယာများတွင် ထုတ်လွှင့်ပြသသွားမည်။

ရွေးချယ်ခံရသော ဝင်ရောက်ယှဉ်ပြိုင်သည့် ရုပ်သံဆောင်းပါးများကို ၂၀၂၄ ခုနှစ် ဒီဇင်ဘာလတွင် ကျင်းပမည့် Peacock Film Festival ၌ ပြသသွားမည်ဖြစ်သည်။

ဤပြိုင်ပွဲသည် မြန်မာနိုင်ငံ၏ လက်ရှိအခြေအနေကို ကမ္ဘာသိရှိစေရန်နှင့် သတင်းသမားများ၏ စွမ်းရည်ကို မြှင့်တင်ရန် ရည်ရွယ်ပါသည်။ ပြိုင်ပွဲဝင်ရောက်ရန် စိတ်ဝင်စားသူများအား ဤအခွင့်အရေးကောင်းကို အသုံးချ၍ ပါဝင်ဆင်နွှဲကြပါရန် လှိုက်လှဲစွာ ဖိတ်ခေါ်အပ်ပါသည်။