အိန္ဒိယဝန်ကြီးချုပ် နရင်ဒြာမိုဒီရဲ့ ဘာရတ်တီယာ ဂျန်နာတာပါတီ (BJP) က သူတို့သာ ရွေးကောက်ပွဲနိုင်ခဲ့ရင် အလုပ်အကိုင်တွေ ဖန်တီးပေးရေး၊ အခြေခံအဆောက်အအုံတွေ တိုးမြှင့်တည်ဆောက်ရေးနဲ့ လူမှုဖူလုံရေး အစီအစဉ်တွေ တိုးမြှင့်လုပ်ဆောင်ရေး အာရုံစိုက်သွားမယ်လို့ ဧပြီ ၁၄ ရက်က ကတိပေးခဲ့ပါတယ်။

လာမယ့်သီတင်းပတ် ရွေးကောက်ပွဲတွေမတိုင်မီ အဓိကမဲဆန္ဒရှင်တွေရဲ့ စိုးရိမ်ပူပန်ချက်တွေကို ဖြေရှင်းဖို့ ကြိုးပမ်းမယ်လို့လည်း ဆိုပါတယ်။

ဧပြီ ၁၉ ရက်မှာ စတင်မယ့် အထွေထွေရွေးကောက်ပွဲကို ဇွန် ၁ ရက်အထိ အဆင့် ၇ ဆင့်နဲ့ ကျင်းပမှာပါ။

မဲတွေကို ဇွန် ၄ ရက်မှာ ရေတွက်မှာဖြစ်ပြီး ရလဒ်တွေကို အဲဒီနေ့မှာပဲ ထုတ်ပြန်ဖို့ မျှော်လင့်ထားပါတယ်။

မြို့တော် နယူးဒေလီက ပါတီဌာနချုပ်မှာ မိုဒီရဲ့ အာမခံချက်လို့ နာမည်ပေးထားတဲ့ BJP ပါတီရဲ့ ကြေညာချက်ကို ထုတ်ပြန်ချိန်မှာ ပါတီက အိန္ဒိယနိုင်ငံရဲ့ “ပင်မမဏ္ဍိုင် ၄ ခု” အားကောင်းစေဖို့ အာရုံစိုက်ထားတယ်လို့ မိုဒီက ပြောခဲ့ပါတယ်။

အသက် ၇၃ နှစ်အရွယ် မိုဒီဟာ ရှားရှားပါးပါး တတိယသက်တမ်းအတွက် အာဏာပြန်ရဖို့ ကျယ်ကျယ်ပြန့်ပြန့် မျှော်လင့်ထားကြပါတယ်။

ဒါပေမဲ့ ကမ္ဘာ့လူဦးရေအများဆုံးနိုင်ငံမှာ နိုင်ငံစီးပွားရေး အားကောင်းနေပေမဲ့ စစ်တမ်းတွေအရ အလုပ်လက်မဲ့ဖြစ်မှု၊ ငွေကြေးဖောင်းပွမှုနဲ့ ကျေးလက်ဆင်းရဲမှုတို့လို စိုးရိမ်စရာ ပြဿနာတွေ ရှိနေပါတယ်။

Source/Photo-Reuters