အမေရိကန်နိုင်ငံမှာ Powerball ထီရဲ့ ပေါက်ဂဏန်းတွေ ဧပြီ ၇ ရက် (ဒေသအချိန် ဧပြီ ၆ ရက်)က  ထွက်ပေါ်လာတာမှာ အော်ရီဂွန်ပြည်နယ်က ထီထိုးသူတဦးတည်းက ခန့်မှန်းခြေ ဒေါ်လာ ၁ ဒသမ ၃ ဘီလီယံ ထီဆုကြီး ပေါက်သွားပါတယ်။

ထီပေါက်တဲ့ဂဏန်းတွေကတော့ ၂၂၊ ၂၇၊ ၄၄၊ ၅၂၊ ၆၉ နဲ့ ၉ (အနီရောင်ဂဏန်း) တို့ဖြစ်ပြီး ထီပေါက်သူ ဘယ်သူဘယ်ဝါဆိုတာနဲ့ သူ့လိပ်စာကို ချက်ချင်း မသိရသေးပါဘူး။၊

ဇန်နဝါရီ အစောပိုင်းကတည်းက သုံးလကြာလောက် ထီပေါက်သူမရှိဘဲ အပတ်တိုင်း ဆုကြေးပိုများလာတာဖြစ်ပြီး ထီပေါက်ဂဏန်းအတွက် နံပါတ်တွေ မဲနှိုက်မယ့်အချိန်ကို စနေည ၁၀ နာရီ ၅၉ မိနစ်ကနေ တနင်္ဂနွေမနက် ၂ နာရီ ၂၉ မိနစ်ထိ ရွှေ့ဆိုင်းခဲ့တယ်လို့ ထီလုပ်ငန်းတာဝန်ရှိသူတွေက ပြောပါတယ်။

သက်တမ်းတလျှောက် Powerball ထီဆုကြေးအများဆုံးဖြစ်တဲ့ အမေရိကန်ဒေါ်လာ ၂ ဒသမ ၀၄ ဘီလီယံတန်ထီဆုကို ၂၀၂၂ ခုနှစ် နိုဝင်ဘာလတုန်းက ကယ်လီဖိုးနီးယားပြည်နယ်သားတဦးက ပေါက်ခဲ့ဖူးပါတယ်။

Source/Photo-Reuters