လီဗာပူးအသင်းမှာ ရင်းနှီးမြှုပ်နှံဖို့အတွက် ကမ္ဘာ့အချမ်းသာဆုံး ပုဂ္ဂိုလ်တယောက်ဖြစ်တဲ့ အမေဇုန်တည်ထောင်သူ ဂျက်ဖ်ဘီဇို့စ်ကို ကမ်းလှမ်းထားတယ်လို့ သတင်းတွေ ထွက်ပေါ်လာပါတယ်။

ဗြိတိသျှ-အိန္ဒိယ ဘီလီယံနာ အာမစ်ဘာတီယာ ဦးဆောင်တဲ့ ရင်းနှီးမြှုပ်နှံသူအဖွဲ့က လီဗာပူးအသင်းရဲ့ ၃၀ ရာခိုင်နှုန်းကို ဝယ်ယူဖို့ စိတ်ဝင်စားနေတာပါ။

ဒီသတင်းတွေကြောင့် လီဗာပူးပိုင်ရှင် FSG ရဲ့ ရေရှည်အစီအစဉ်တွေအပေါ် မေးခွန်းတွေ ထွက်ပေါ်လာပါတယ်။

ဂျက်ဖ်ဘီဇို့စ်ဟာ ကမ္ဘာ့စတုတ္ထအချမ်းသာဆုံးပုဂ္ဂိုလ်ဖြစ်ပြီး ဒေါ်လာ ၂၅၆ ဒသမ ၉ ဘီလီယံ ကြွယ်ဝပါတယ်။

သူဟာ အရင်က NFL အသင်းတွေကို ဝယ်ယူဖို့ စိတ်ဝင်စားခဲ့ဖူးပေမဲ့ အားကစားလောကမှာ ရင်းနှီးမြှုပ်နှံဖူးခြင်း မရှိပါဘူး။

ဘာတီယာနဲ့ FSG ဘက်ကတော့ ဘီဇို့စ်နဲ့ ပတ်သက်လို့ မှတ်ချက်မပေးခဲ့ပါဘူး။ ဒါပေမဲ့ ရင်းနှီးမြှုပ်နှံသူ အများအပြားနဲ့ ဆွေးနွေနေတာကိုတော့ အတည်ပြုခဲ့ပါတယ်။