နည်းပြတန်ဟတ်ဂ်ရဲ့နောက်မှာ မန်ယူအသင်းသားတွေအားလုံးရှိနေကြောင်း ကွင်းလယ် ကစားသမား အမ်မရာဘတ်က ပြောသွားပါတယ်။
မန်ယူအသင်းဟာ ချဲလ်ဆီးအသင်းကို အနိုင်ရခဲ့တဲ့ပွဲစဉ်မတိုင်ခင်က အသင်းသားတွေကြားမှာ နည်းပြတန်ဟတ်ဂ်အပေါ် အမြင်မကြည်လင်မှုတွေရှိနေကြောင်း သတင်းထွက်ပေါ်ခဲ့တာပါ။
ဒါပေမဲ့ ချဲလ်ဆီးအသင်းကို ၂ ဂိုး ၁ ဂိုးနဲ့ အနိုင်ရခဲ့တဲ့ပွဲစဉ်အပြီးမှာတော့ နည်းပြ တန်ဟတ်ဂ်ရဲ့ နောက်မှာ အသင်းသားအားလုံးရှိနေကြောင်း အမ်မရာဘတ်က ပြောခဲ့တာပါ။
နည်းပြ တန်ဟတ်ဂ်က နှစ်သက်စရာကောင်းတဲ့ နည်းပြဖြစ်ပြီး ကမ္ဘာ့အကောင်းဆုံး နည်းပြတစ်ဦးဖြစ်ကြောင်း၊ နည်းပြရဲ့အနောက်မှာ အသင်းသားအားလုံးရှိနေကြောင်း အမ်မရာဘတ်က ပြောသွားပါတယ်။
မန်ယူအသင်းဟာ ချဲလ်ဆီးကို အနိုင်ရခဲ့တာနဲ့အတူ အမှတ်ပေးဇယားမှာ အဆင့် ၆ နေရာအထိတက်လှမ်းလာခဲ့ပြီး အဆင့် ၄ က လက်ရှိချန်ပီယံ မန်စီးတီးအသင်းနဲ့ ၃ မှတ်သာ ကွာဟတော့တာ ဖြစ်ပါတယ်။
Photo-Reuters
