ကွင်းလယ်ကစားသမား မက်ဒီဆန်နဲ့ နောက်ခံလူ ဗန်ဒီဘန်တို့ကို ခေါ်ယူခဲ့တဲ့စပါးအသင်းအပေါ် နည်းပြဟောင်းအာဆင်ဝင်းဂါးက ချီးကျူးသွားပါတယ်။
စပါးအသင်းဟာ အင်္ဂလန်ကွင်းလယ်လူ မက်ဒီဆန်ကို လက်စတာအသင်းကနေခေါ်ခဲ့ပြီး ဝုဗ်ဘက်အသင်းက ဟော်လန်နောက်ခံလူ ဗန်ဒီဘန်ကိုလည်း ခေါ်ယူခဲ့တာပါ။
သူတို့နှစ်ဦးဟာ စပါးအသင်းမှာ ပုံမှန်ပွဲထွက်ခွင့်တနေရာကို ရယူနိုင်ခဲ့ကြပြီး အမှတ်ပေးဇယား အဆင့်တစ်နေရာကို တက်လှမ်းနိုင်ခဲ့ရာမှာ အဓိကနေရာကနေ ခြေစွမ်းပြခဲ့ကြတာပါ။
အာဆင်နယ်နည်းပြဟောင်း အာဆင်ဝင်းဂါးကတော့ အရည်အသွေးရှိတဲ့ ကစားသမားနှစ်ဦး ကိုခေါ်ယူခဲ့တဲ့ စပါးအသင်းကို ချီးကျူးခဲ့ပြီး ချန်ပီယံဆုကို စိန်ခေါ်နိုင်မယ့်အသင်း ဖြစ်ကြောင်း ပြောပါတယ်။
ပရီးမီးယားလိဂ်ချန်ပီယံဆုအတွက် အသင်းဟောင်းအာဆင်နယ်အပါအဝင် မန်စီးတီး၊ လီဗာပူးနဲ့ စပါး အသင်းလေးသင်းက ပြိုင်ယှဉ်ပြိုင်သွားရမှာဖြစ်ကြောင်း မှတ်ချက်ပေးခဲ့ပါတယ်။
Photo-Reuters
