၂၀၂၆ ကမ္ဘာ့ဖလား(အာရှဇုန်) ပထမအဆင့် ဒုတိယ‌အကျော့ပွဲစဉ်ကို အောက်တိုဘာ ၁၇ ရက်နေ့က မကာအိုနိုင်ငံမှာ မြန်မာလက်ရွေးစင်အသင်းနဲ့ မကာအိုလက်ရွေးစင်အသင်းတို့ ယှဉ်ပြိုင်ကစားခဲ့ရာ ဂိုးမရှိသရေကြခဲ့ပါတယ်။

မြန်မာလက်ရွေးစင်အသင်းဟာ ပထမအကျော့က မကာအိုကို သုဝဏ္ဏကွင်းမှာ ၅ ဂိုး ၁ ဂိုးနဲ့ ဂိုးပြတ်နိုင်ထားတာကြောင့် နှစ်ကျော့ပေါင်းရလဒ်နဲ့ ဒုတိယအဆင့်ကို တက်ရောက်နိုင်ခဲ့ပါတယ်။

မြန်မာအသင်းအနေဟာ ကမ္ဘာ့ဖလား (အာရှဇုန်) ဒုတိယအဆင့်မှာ အာရှအင်အားကြီးအသင်းတွေဖြစ်တဲ့ ဂျပန်၊ မြောက်ကိုရီးယား၊ ဆီးရီးယားတို့ ပါဝင်တဲ့ အုပ်စု ခ မှာ ‌ကျရောက်နေပါတယ်။

မြန်မာလက်ရွေးစင်အသင်းဟာ အဖွင့်ပွဲစဉ်ဖြစ်တဲ့ ဂျပန်အသင်းနဲ့ပွဲကို နိုဝင်ဘာ ၁၅ ရက်နေ့ ဂျပန်နိုင်ငံမှာ ယှဉ်ပြိုင်ကစားသွားမှာဖြစ်ပြီး မြောက်ကိုရီးယား နဲ့ ဒုတိယမြောက်ပွဲစဉ်ကို နိုဝင်ဘာ ၂၀ ရက်နေ့ မသုဝဏ္ဏကွင်းမှာ ယှဉ်ပြိုင်ကစားသွားမှာဖြစ်ပါတယ်။