ချီလီနိုင်ငံမှာ ကျောင်းဆရာတွေဟာ အစိုးရနဲ့ သဘောတူညီမှုရရှိဖို့ ကြိုးပမ်းမှု မအောင်မမြင် ဖြစ်ခဲ့ပြီးနောက် သြဂုတ်လ ၂၉ ရက်မှာ ရက်အကန့်အသတ်မရှိ သပိတ်မှောက်ခဲ့ကြပြီး သမ္မတနန်းတော်ကို ချီတက်ခဲ့ကြပါတယ်။

ဆရာများသမဂ္ဂက ကြီးမှူးကျင်းပတဲ့ ချီတက်ပွဲမှာ “သမိုင်းဝင်ကြွေးမြီ” လို့ခေါ်တဲ့ ရစရာရှိတဲ့ ငွေကြေးတွေကို တောင်းဆိုထားတဲ့ ဆိုင်းဘုတ်တွေ၊ ကြွေးကြော်သံတွေအပြင် အသင်းအဖွဲ့က နှစ်ပေါင်းများစွာ ကိုင်စွဲထားတဲ့ မကျေမနပ် တောင်းဆိုမှုတွေ အများအပြားလည်း ပါဝင်ပါတယ်။

၁၉၈၀ ပြည့်နှစ်အစောပိုင်းက အာဏာရှင် ဗိုလ်ချုပ်ကြီး ဩဂတ်စ်တိုပီနိုရှေးဟာ တိုင်းပြည်ရဲ့ ပြည်သူ့ပညာရေးစနစ်ရဲ့ တစိတ်တပိုင်းကို ဖက်ဒရယ်မှ မြူနီစပယ် ထိန်းချုပ်မှုကို ပြောင်းလဲလိုက်ချိန်မှာ ကြွေးမြီတွေကို ထုတ်ပေးခဲ့တာပါ။

လက်ရှိ ပညာရေးပုံစံဟာ ၁၉၇၀ ပြည့်လွန် နှစ်တွေမှာ ချီလီ အာဏာရှင်စနစ်အတွင်း မွေးဖွားလာခဲ့တာဖြစ်လို့ သမဂ္ဂဟာ ပညာရေးပုံစံအသစ်၊ ရန်ပုံငွေစနစ် အသစ်နဲ့ တခြား တောင်းဆိုချက်တွေအကြားမှာ စာသင်ကျောင်းတွေအတွင်း အကြမ်းဖက်မှုတွေကနေ ဆရာ၊ ဆရာမတွေကို အကာအကွယ်ပေးရေးတွေကို ထပ်မံတောင်းဆိုခဲ့ပါတယ်။

Source/Photo-Reuters