အမျိုးသမီးကမ္ဘာ့ဖလား ဘောလုံးပြိုင်ပွဲ ဆီမီးဖိုင်နယ်ပွဲစဉ်မှာ ဖိအားရှိနေမှာက အိမ်ရှင်သြစတြေးလျအသင်းဖြစ်ကြောင်း အင်္ဂလန်ကွင်းလယ်လူ ကီရာဝါ့ရှ်က ပြောပါတယ်။
အင်္ဂလန်အသင်းဟာ သြဂုတ် ၁၆ ရက် ညနေ ၄ နာရီခွဲအချိန်မှာ ပူးတွဲအိမ်ရှင် သြစတြေးလျအသင်းနဲ့ ယှဉ်ပြိုင်သွားရမှာပါ။
အဲဒီပွဲစဉ်မှာ ဖိအားရှိနေမှာက အိမ်ရှင်သြစတြေးလျအသင်းသာဖြစ်ပြီး အင်္ဂလန်အသင်းအနေနဲ့ ပရိသတ်ကွင်းလုံးပြည့် အခြေအနေနဲ့ အတွေ့အကြုံရှိပြီးသားဖြစ်တယ်လို့ ကီရာဝါ့ရှ်က ပြောပါတယ်။
ဒါပေမဲ့ သြစတြေးလျအသင်းက ဖိအားရှိရှိ၊ မရှိရှိ ကောင်းမွန်စွာ ကစားတတ်တဲ့ အသင်းကောင်းတစ်သင်းဖြစ်ကြောင်း၊ ရုပ်ပိုင်းဆိုင်ရာကြံ့ခိုင်မှုကို ဦးစားပေးကစားတတ်လို့ အဲဒီအတွက် အဆင်သင့်ဖြစ်နေဖို့လို အပ်ကြောင်း ကွင်းလယ်လူ ကီရာဝါ့ရှ်က ပြောပါတယ်။
ဒီပွဲမှာ ဘယ်အသင်းကပဲအနိုင်ရသည်ဖြစ်စေ ကမ္ဘာ့ဖလား ဗိုလ်လုပွဲကို ပထမဆုံးအကြိမ် တက်ရောက်ခွင့်ရရှိမှာဖြစ်ပါတယ်။
