ပဲခူးမြစ်ရေ ပြန်ကျသွားတာကြောင့် ရေဘေးဒုက္ခသည်တွေအတွက် ဖွင့်လှစ်ထားတဲ့ ကယ်ဆယ်ရေးစခန်းတွေကို ပြန်ရုပ်သိမ်းလိုက်ပြီး အဆင်မပြေတဲ့အိမ်တွေကိုတော့ ထမင်းထုပ်တွေဆက်ပြီး ဝေပေးနေရတယ်လို့ လူမှုကူညီရေးအဖွဲ့နဲ့  ဒေသခံတွေထံက သိရပါတယ်။

ပြီးခဲ့တဲ့ရက်ပိုင်းက မိုးသည်းထန်စွာရွာသွန်းပြီး မြစ်ရေကြီးလို့ ပဲခူးမြို့ရှိ အနိမ့်ပိုင်းနေအိမ်တွေ ရေနစ်မြုပ်တဲ့ဒဏ်ကို  ရက်ပိုင်းအကြာခံ စားခဲ့ကြရတာဖြစ်ပြီး မနေ့ကစလို့ ရေပြန်ကျလာတာလို့ ဒေသခံတွေက ဆိုပါတယ်။

ပဲခူး မြို့သစ်(၈)ရပ်ကွက်မှ ဒေသခံတဦးက "ဒီနေ့တော့ရေတော်တော်ကျသွားပြီ။ သိပ်သွားလို့လာလို့တော့ မကောင်းသေးဘူး။ ရေဘေးသွားရှောင်တဲ့သူတွေလည်း ဒီနေ့ပြန်လာကြတယ်"လို့ ပြောပါတယ်။

ပဲခူးမှာ ရေကြီးလို့  ရေဘေးရှောင်ကယ်ဆယ်ရေးစခန်း ၄၀ လောက် ဖွင့်လှစ်ခဲ့ရတာဖြစ်တယ်လို့ 

သကျနွယ် လူမှုညီရေးပရဟိတအသင်း တာဝန်ရှိသူတဦးက ပြောပါတယ်။

"ကယ်ဆယ်ရေးတွေကိုတော့ ပြန်ရုပ်လိုက်ပြီ။ ထမင်းထုပ်တွေတော့ ဆက်ပြီး ဝေနေရသေးတယ်။ အခုလည်း ထမင်းထုပ်ဝေနေတာ"လို့ ပြောပါတယ်။

ပဲခူးရေကြီးမှုဖြစ်စဥ်ကာလအတွင်း ရေဘေးသင့်ပြည်သူ ၁၀၀၀၀ ကျော်ရှိခဲ့ပြီး မြို့တွင်း ပဲခူး-ရန်ကုန်လမ်းပိုင်းတချို့မှာ ကားအသေးတွေနဲ့ ဆိုင်ကယ်၊ သုံးဘီးတွေသွားလာမရအောင် ဖြစ်ခဲ့တာ ဖြစ်ပါတယ်။

လက်ရှိမှာ လမ်းမပေါ်မှာလည်း ရေသိသိသာသာကျသွားပြီဖြစ်လို့ ပုံမှန်အတိုင်းပြန်သွားလာလို့ ရနေပြီလို့လည်း ဒေသခံတွေကပြောပါတယ်။

Photo : Flannel box bagon