ဖင်လန်နိုင်ငံ လာ့ပ်လန်းဒေသ ရိုဗာနီမီမြို့ပေါ် ကောင်းကင်ယံမှာ အောက်တိုဘာ ၁၀ ရက်က မြောက်ဝင်ရိုးစွန်း အလင်းတန်းရောင်စုံတွေ ထွန်းလင်းတောက်ပခဲ့ပါတယ်။
အာတိတ်စက်ဝိုင်းပေါ်က ရိုဗာနီမီမြို့မှာ ပေါ်လာတဲ့ ဒီအလင်းတန်းတွေကို ဒေသခံ ဓာတ်ပုံဆရာတယောက်က ရိုက်ကူးနိုင်ခဲ့တာပါ။
ဒါဟာ ၂၀၂၆ ခုနှစ် ဇန်နဝါရီလမှာ ဖြစ်ခဲ့တဲ့ သံလိုက်စက်ကွင်းမုန်တိုင်း ဖြစ်စဉ်နောက်ပိုင်း အားအကောင်းဆုံး အလင်းတန်းပြသမှု ဖြစ်တယ်လို့ သူက ပြောပါတယ်။
အီတလီ၊ ကော်စီကာနဲ့ ယူကရိန်းနိုင်ငံတို့အထိ ကျယ်တဲ့ တောင်ဘက်ဒေသတွေမှာလည်း ဒီအလင်းတန်းတွေကို မြင်တွေ့ခဲ့ရပြီး ဖင်လန်နိုင်ငံ အာတိတ်စက်ဝိုင်းပေါ်က ရိုဗာနီမီမြို့ရဲ့ ကောင်းကင်ယံမှာတော့ နာရီပေါင်းများစွာကြာအောင် အလင်းတန်းတွေ ထွန်းလင်း တောက်ပနေခဲ့ပါတယ်။
ဒီအလင်းတန်းပြသမှုဟာ သုံးကြိမ်တိုင်တိုင် ပြင်းထန်အားကောင်းလာခဲ့ပြီး စိမ်းလန်းတဲ့အရောင်နဲ့ အနီရောင်တို့ကို သာမန်မျက်လုံးနဲ့ မြင်တွေ့ရပါတယ်။
နေဝန်းကနေ အမှုန်အမွှားတွေ အစုလိုက်အပြုံလိုက် ထုတ်လွှတ်မှုတခု ကမ္ဘာမြေဆီ ထပ်ရောက်လာဖို့ မျှော်လင့်ရလို့ လာမဲ့ညတွေမှာ ဝင်ရိုးစွန်းအလင်းတန်းတွေကို ပိုမြင်တွေ့ရနိုင်တယ်လို့ မီဒီယာတွေက ထုတ်ပြန်ထားပါတယ်။
Source: Reuters
