ချီလီနိုင်ငံတွင် မိုးသည်းထန်စွာရွာသွန်းမယ်လို့ ခန့်မှန်းချက်တွေကြောင့် အစိုးရက အရေးပေါ် အခြေအနေ ကြေညာထားပါတယ်။ 

အန်နီညိုရာသီဥတုနဲ့ ရင်ဆိုင်ရမဲ့ ဒေသ ၁၀ ခုမှာ ကြိုတင်ကာကွယ်မှုအဖြစ် အရေးပေါ်အခြေအနေ ကြေညာထားတာပါ။ 

မိုးရွာသွန်းမှုဟာ တောင်ဘက် အေတာကာမာဒေသကနေ လော့လာဂိုအထိ ဇူလိုင် ၁၄ ရက်ကနေ စနေနေ့အထိ ရွာသွန်းနိုင်ခြေရှိတယ်လို့ ချီလီမိုးလေဝသက ခန့်မှန်းထားပါတယ်။

ဆန်တီယာဂို၊​ ဗယ်ပါရိုက်ဆို၊ ကွန်ကွမ်ဘိုတို့မှာ သောကြာနဲ့ စနေနေ့တို့အတွက် မိုးရေချိန် ၁၈၀ မီလီမီတာအထိ ရှိမယ်လို့ သတိပေးချက်တွေ ထုတ်ပြန်ထားပါတယ်။ 

လက်ရှိအချိန်မှာ အန်နီညိုရာသီဥတု ကြိုတင်ကာကွယ်မှုအဖြစ် ဆန်တီရာဂိုမှာ ရေကြီးမှုတားဆီးရေး လုပ်ငန်းတွေကို သမ္မတ အန်တိုနီယိုက အလည်အပတ် သွားရောက်ကြည့်ရှုခဲ့ပါသေးတယ်။​

နိုင်ငံသားတွေကို မိုးလေဝသဆိုးဝါးလာချိန်မှာ အရေးပေါ်သုံးအိတ်တွေကို ဆောင်ထားကြဖို့ ချီလီအစိုးရက နှိုးဆော်ထားပါတယ်။

လက်ရှိအချိန်မှာ တခြားဒေသတွေမှာလည်း ကျောင်းတွေနဲ့ ရုံးတွေ ပိတ်ထားတယ်လို့ ဆိုပါတယ်။ အယ်နီညိုရာသီဥတု ကာကွယ်ရေးလုပ်ငန်းတွေကို ဇူလိုင် ၁၃ ရက်မှ ဇူလိုင် ၂၁ ရက်အထိ ပြုလုပ်မှာဖြစ်ပါတယ်။ 

Source: Reuters