အာဆင်နယ်အသင်းဟာ ဒီအပြောင်းအရွှေ့ကာလမှာ ကစားသမားတချို့ကို ရောင်းချဖို့ တူရကီကလပ် ဂါလာတာစာရေးအသင်းနဲ့ ဆွေးနွေးနေတယ်လို့ BBC အားကစားသတင်းက ဖော်ပြပါတယ်။

ရောင်းချမဲ့အထဲမှာ ဂါဘရီယယ် မာတင်နယ်လီနဲ့ အီသန် အန်ဝါနရီတို့ ပါဝင်နေပြီး ဂါလာတာစာရေးဘက်က မာတင်နယ်လီအတွက် ယူရို ၄၅ သန်းနဲ့ ကမ်းလှမ်းထားပေမဲ့ ကစားသမား ကိုယ်တိုင်ကတော့ တူရကီကို ပြောင်းရွှေ့ဖို့ ဆန္ဒမရှိဘူးလို့ သိရပါတယ်။

ဒီဆွေးနွေးမှုတွေအတွင်းမှာ ဂါလာတာစာရေး တိုက်စစ်မှူး အိုဆင်ဟန်ရဲ့ အနာဂတ် အကြောင်းကို လည်း နှစ်သင်းကြား ထည့်သွင်းဆွေးနွေးခဲ့ကြပါတယ်။

ဒါ့အပြင် အသက် ၁၉ နှစ်အရွယ် အန်ဝါနရီကို ခေါ်ယူဖို့ ဥရောပထိပ်တန်းကလပ်တွေက စိတ်ဝင်စားနေကြပြီး အာဆင်နယ်အသင်းဟာ တခြားကစားသမားတချို့ကိုပါ ရောင်းချပြီး ပေါင် ၄၅ သန်းလောက် ရှာဖွေဖို့ ပြင်ဆင်နေတယ်လို့ BBC Sport သတင်းဌာနက ဖော်ပြထားပါတယ်။

Photo:Reuters