အေစီမီလန်အသင်းဟာ ရာထူးကနေ ထုတ်ပယ်လိုက်တဲ့ နည်းပြ မက်ဆီမီလီယာနို အယ်လီဂရီရဲ့ နေရာမှာ အစားထိုးဖို့အတွက် ခရစ္စတယ်ပဲလေ့စ်နည်းပြဟောင်း အိုလီဗာ ဂလတ်စနာနဲ့ လာမဲ့ အင်္ဂါနေ့မှာ တွေ့ဆုံဆွေးနွေးသွားမှာ ဖြစ်ပါတယ်။ 

မီလန်အသင်းဟာ ပြီးခဲ့တဲ့ရာသီ စီးရီးအေမှာ အဆင့် ၅ ပဲ ရရှိခဲ့ပြီး ချန်ပီယံလိဂ်ဝင်ခွင့် လွဲချော်ခဲ့ရလို့ အယ်လီဂရီကို ရာထူးကနေ ထုတ်ပယ်ခဲ့တာ ဖြစ်ပါတယ်။

အသက် ၅၁ နှစ်အရွယ် ဩစတြီးယားလူမျိုးနည်းပြ ဂလတ်စနာဟာ ပဲလေ့စ်အသင်းကို အက်ဖ်အေဖလား၊ ကွန်မြူနတီဒိုင်းနဲ့ ယူရိုပါကွန်ဖရန့်လိဂ်ဖလားတွေ ရယူပေးခဲ့ပြီးနောက် အသင်းကနေ ထွက်ခွာလာခဲ့တာပါ။ 

အေစီမီလန်အသင်းဟာ ဂလတ်စနာကို နည်းပြအဖြစ် ခန့်အပ်ရုံတင်မကဘဲ မန်ယူနိုက်တက်နည်းပြဟောင်း ရာလ်ဖ်ရန်းနစ်ကိုပါ အားကစားဒါရိုက်တာအဖြစ် ခန့်အပ်ပြီး အသင်းကို အကြီးစားပြင်ဆင်မှုတွေ ပြုလုပ်ဖို့ စီစဉ်နေပါတယ်။