ဩစတြေးလျနိုင်ငံအနေနဲ့ မြန်မာနိုင်ငံအတွက် အခုနှစ်အတွင်းမှာ ဒေါ်လာ ၉၅ သန်း ကူညီ ထောက်ပံ့သွားမယ့်အပြင် ဒုက္ခသည် ၂၀၀၀ ကို  လူသားချင်းစာနာမှုအရ   ဗီဇာ ထုတ်ပေးမယ်လို့  ဝန်ကြီးချုပ်စကော့မောရစ်ဆင်က ပြောပါတယ်။

ဩစတြေးလျဝန်ကြီးချုပ်ရဲ့ အခုဘဏ္ဍာရေးနှစ်အတွက် မြန်မာနိုင်ငံကို အကူအညီပေးမယ့် ပြောဆိုချက်ကို ကိုးကားပြီး လစ်ဘရယ်ပါတီရဲ့ လွှတ်တော်အမတ် ဒင်းန်စမစ်က သူ့ရဲ့လူမှုကွန်ရက်မှာ ထုတ်ဖော်ရေးသားလိုက်တာပါ။

မြန်မာနိုင်ငံက  စစ်တပ်ကို အာဏာဖီဆန်ပြီး ပြည်သူနဲ့ပူးပေါင်းလာတဲ့  CDM စစ်ဘက်အရာရှိ တချို့ကို ဩစတြေးလျမှာ ခိုလှုံခွင့် ဗီဇာထုတ်ပေးတဲ့ သတင်းကလည်း မကြာသေးခင်ကမှ ဩစတြေးလျ သတင်းမီဒီယာတချို့က ရေးသားဖော်ပြခဲ့ပါတယ်။

ဩစတြေးလျနိုင်ငံမှာ ရွေးကောက်ပွဲ ၂ လလောက်လိုတော့ချိန်မှာပဲ မြန်မာပြည်သူတွေအတွက် အကူညီပေးဖို့ လက်ရှိ အစိုးရဘက်က ထုတ်ဖော်ပြောဆိုလာတာဖြစ်ပါတယ်။ ဩစတြေးလျဝန်ကြီးချုပ် စကော့မော်ရစ်ဆင်ဟာ ပတ်သ်မြို့ကို လာရောက်ချိန်မှာ ဒေသခံမြန်မာအသိုင်းအဝိုင်းတွေနဲ့လည်း ဒုတိယအကြိမ်မြောက် တွေ့ဆုံခဲ့ပါတယ်။ 

ဩစတြေးလျအစိုးရအနေနဲ့ စစ်အာဏာရှင်လက်အောက်က မြန်မာပြည်သူတွေကို ပိုမိုအကူညီပေးဖို့ အတိုက်အခံပါတီတွေကနေ ဝေဖန်တိုက်တွန်းမှုတွေ ရှိနေပါတယ်။