အင်္ဂလန်နဲ့ ခရိုအေးရှားပွဲမှာ ခရိုအေးရှားနိုင်မယ်လို့ ဒဲလ်လက်တိရစ္ဆာန်ရုံက ခြင်္သေ့မ ၃ ကောင်က ခန့်မှန်းပေးခဲ့ပါတယ်။
အင်္ဂလန်နဲ့ ခရိုအေးရှားအသင်းတို့ဟာ ဇွန် ၁၈ ရက် မနက် ၂ နာရီခွဲ မှာ ကစားရမှာဖြစ်ပြီး ပွဲမစခင် ကံကောင်းမှုတွေ မျှော်လင့်ထားတဲ့ အင်္ဂလန်အသင်းအတွက် အဆင်မပြေမှုလေးတခုနဲ့ ရင်ဆိုင်ရတာပဲလို့ ရိုက်တာက ဖော်ပြပါတယ်။
အင်္ဂလန်အသင်းရဲ့ အမှတ်တံဆိပ်က ခြင်္သေ့ ၃ ကောင်ဖြစ်လို့ ဒီရွေးချယ်မှုက နည်းနည်း ထူးဆန်းတယ်လို့လည်း ရိုက်တာက ဖော်ပြပါတယ်။
လီနာ၊ ဘာဟာတီနဲ့ ဂျာဆီရီတို့ ၃ ကောင်ဟာ ဂိုးတိုင်တဖက်စီမှာ နိုင်ငံအလံတွေ ထောင်ထားပြီး အစာချထားတဲ့အချိန် ခရိုအေးရှားဘက်က အစာတွေကို အရင်စားခဲ့တာပါ။
အင်္ဂလန်ပရိသတ်တယောက်ဖြစ်တဲ့ တိရစ္ဆာန်ရုံဝန်ထမ်း မက်ဂီကလော့ဇာက “ခြင်္သေ့တွေက ခရိုအေးရှားကို ရွေးခဲ့ပါတယ်။ ကျမက အင်္ဂလန်ပရိသတ်ပါ။ ဒီရွေးချယ်မှုက ကျမအတွက် စိတ်ပျက်စရာပါ” လို့ ပြောပါတယ်။
အင်္ဂလန်နဲ့ ခရိုအေးရှားတို့ဟာ ၂၀၁၈ ကမ္ဘာ့ဖလား ဆီမီးဖိုင်နယ်မှာလည်း တွေ့ဆုံခဲ့ဖူးပြီး အဲဒီတုန်းက ခရိုအေးရှားအသင်းက ၂-၁ နဲ့ အနိုင်ရခဲ့ဖူးပါတယ်။
Source: Reuters
