ဇန်နဝါရီ ၂၂ ရက် နေ့လယ်  ၂ နာရီလောက်က စစ်ကောင်စီတပ် အင်အားအလုံးအရင်းနဲ့ နေရာအတိအကျလာပြီး ပစ်ခတ်ဖမ်းဆီးခဲ့တာကြောင့် မန္တလေးတိုင်း အခြေစိုက် MSTF အထူးပြောက်ကျားတပ်ဖွဲ့က ခေါင်းဆောင် ၅ ဦး အဖမ်းခံလိုက်ရတယ်လို့ MSTF ပြန်ကြားရေးက ထုတ်ပြန်ထားပါတယ်။

ဒါ့အပြင် MSTF နဲ့ ချိတ်ဆက်ထားတဲ့ တခြားအဖွဲ့အစည်းနဲ့ ပုဂ္ဂိုလ်တွေကိုလည်း ဘေးကင်းရာ အမြန်ဆုံး တိမ်းရှောင်ကြဖို့ ထုတ်ပြန်ချက်ထဲမှာ သတိပေးထားပါတယ်။ 

ခေါင်းဆောင်တွေ ဖမ်းဆီးခံရပေမယ့် ကျန်ရှိ MSTF တပ်သားတွေအနေနဲ့ နောက်တွန့် ကြောက်ရွှံ့နေမှာမဟုတ်ဘဲ ချမှတ်ထားတဲ့ လမ်းစဉ်အတိုင်းလိုက်နာပြီး ပြည်သူလူထုအား ဆက်လက်ကာကွယ်ပေးသွားမယ်လို့ ထုတ်ပြန်ချက်ထဲမှာ ပြောထားပါတယ်။