ဆောမြို့နယ်တွင် ပျူစောထီးအဖွဲ့က ၃ ဦး အသတ်ခံရ
DVB
·
August 19, 2021
မကွေးတိုင်းဒေသကြီး ဆောမြို့နယ်မှာ သြဂုတ် ၁၈ ရက်နေ့ညက စစ်ကောင်စီသတင်းပေး ဒလန်ပျူစောထီးအဖွဲ့ဝင် ၃ ယောက် အသတ်ခံရတယ်လို့ ဒေသခံတွေဆီကနေ သိရပါတယ်။
ဆောမြို့နယ် ကျောက်စစ်ကျေးရွာမှာ မနေ့က ည ၁၀ နာရီလောက်က ပျူစောထီးခေါင်းဆောင်တွေဖြစ်တဲ့ ကိုစံသိန်း၊ ကိုထွန်းညွှန့်နဲ့ မဥမ္မာတို ၃ ယောက် အသတ်ခံရတာဖြစ်ပြီး သေနတ်သံ ၄ ချက် ကြားလိုက်ရတယ်လို့ ရွာခံတစ်ယောက်က ပြောပါတယ်။
အခုလို ဒလန်ပျူစောထီးတွေ သတ်ဖြတ်ခံရတာဟာ ဆောမြို့နယ်မှာ ပထမဦးဆုံးဖြစ်ပြီး ဘယ်အဖွဲ့စည်းရဲ့ လက်ချက်ဆိုတာ မသိရသေးဘဲ သြဂုတ် ၁၉ ရက်နေ့အထိ အလောင်းလာမသယ်ကြသေးဘူးလို့ ဆိုပါတယ်။
အသတ်ခံရတဲ့ ၃ ယောက်ဟာ ပျူးစောထီး သင်တန်းဆင်းတွေဖြစ်ပြီး စစ်ကောင်စီရဲ့ သတင်းပေး ဒလန်လုပ်ကာ ရွာသားတွေကို ဒုက္ခအမျိုးမျိုးပေးလေ့ရှိတယ်လို့ ဒေသခံတွေက ပြောပါတယ်။
