အမျိုးသားညီညွတ်ရေးအစိုးရ (NUG) က လှိုင်းတိုရေဒီယိုအစီအစဉ်သစ်တခုကို ဩဂုတ် ၂၀ ရက် မနက်ကစပြီး စမ်းသပ်ထုတ်လွှင့်တော့မယ်လို့  ကြေညာလိုက်ပါတယ်။ 

Radio NUG လို့အမည်ပေးထားတဲ့ အစီအစဉ်သစ်ကို  ဩဂုတ် ၂၀ ရက် မနက်ကစပြီး မနက် ၈ နာရီနဲ့ ည ၈ နာရီတို့မှာ စမ်းသပ်ထုတ်လွှင့်မှာဖြစ်ပြီး လှိုင်းတိုမီတာ ၁၆၊ မက်ဂါဟတ်ဇ် ၁၇ ဒသမ ၇၁ မှာ ဖမ်းယူနိုင်မယ်လို့ဆိုပါတယ်။

ဒါ့ကြောင့် ပြည်နယ်နဲ့တိုင်း မြို့နယ်အလိုက် အဆင် ပြေ၊ မပြေ သိနိုင်ဖို့ ဖမ်းယူနားထောင်ပြီး အသံဖမ်း ပြန်ပို့ပေးဖို့ကြဖို့  NUG ရဲ့ လူမှုကွန်ရက်စာမျက်နှာတခုဖြစ်တဲ့ Public Volce Television က မေတ္တာရပ်ခံထားပါတယ်။

အစီအစဉ်တွေကို နာရီဝက်စာ ထုတ်လွှင့်မှာဖြစ်ပြီး ပြည်သူနဲ့ NUG အစိုးရတို့အကြား အဆက်မပြတ်စေဖို့ ရည်ရွယ်တာ ဖြစ်တယ်လို့ ဆိုပါတယ်။