မန္တလေးတိုင်း မိုးကုတ်မြို့အနောက်ပိုင်း ကျပ်ပြင်ရပ်ကွက်က မိုးကုတ် ခါနန်အသင်းတော်က ဒုဥက္ကဋ္ဌ အပါအဝင် ပြည်သူ ၅ ဦးအား ဒလန်နေအိမ်ကို မီးရှို့တယ်ဆိုတဲ့စွပ်စွဲချက်နဲ့ စစ်ကောင်စီက ဇူလိုင်လ ၂၅ ရက်နေ့မနက်မှာ ဖမ်းဆီးသွားတယ်လို့ ဒေသခံတွေဆီက သိရပါတယ်။
ဇူလိုင်လ ၂၅ရက်နေ့ မနက်ပိုင်းက စစ်ကောင်စီတပ်ဖွဲ့ဝင် ၂၀ ဝန်းကျင်နဲ့ အသင်းတော်ကုန်းရှိတဲ့ နေရာကို လာဝိုင်းကြပြီး အသင်းတော်ဒုဥက္ကဋ္ဌ၊ တာဝန်ရှိ အမျိုးသမီးတစ်ဦးနဲ့ လူငယ်သုံးဦးတို့ကို ဖမ်းဆီးသွားတယ်လို့ ဆိုပါတယ်။
စစ်ဆေးစရာရှိတယ်လို့ ဆိုပြီးခေါ်သွားတာဖြစ်ပြီး အသင်းတော်ရဲ့ ဒုဥက္ကဋ္ဌကို ဇူလိုင်လ ၂၅ ရက်နေ့ညနေမှာ ပြန်လွှတ်ပေးပြီး ဇူလိုင်လ ၂၆ ရက်နေ့ နေ့ခင်းပိုင်းမှာ ပြန်လည်ခေါ်ဆောင်သွားတယ်လို့ ဆိုပါတယ်။
သက်သေအထောက်အထား တစုံတရာမရှိဘဲ ဒလန်အိမ်မီးရှို့တယ်လို့ စွပ်စွဲဖမ်းသွားတာဖြစ်ပြီး ရဲစခန်းမှာ ချုပ်နှောင်ထားလို့ ဆိုပါတယ်။
