အမေရိကန်သမ္မတ ဒေါ်နယ်ထရမ့်ပ်နဲ့ တွေ့ချိန်မှာ ရုရှားစစ်ပွဲဘယ်လိုအဆုံးသတ်မလဲဆိုတာနဲ့ စွမ်းအင်ဆိုင်ရာ အဆောက်အအုံတွေ အပစ်ရပ်ရေး ဆွေးနွေးခဲ့တယ်လို့ ယူကရိန်းသမ္မတ ဇလန်းစကီးက ပြောပါတယ်။

ဇလန်းစကီးရဲ့ အဖွဲ့ဟာ ထရမ့်ပ်နဲ့ မိနစ် ၄၀ ကြာ ဆွေးနွေးခဲ့ပြီးနောက် မီဒီယာတွေ့ဆုံပွဲမှာ အခုလို ပြောခဲ့တာပါ။

စွမ်းအင်အဆောက်အုံတွေ တိုက်ခိုက်တာနဲ့ပတ်သက်ပြီး ရုရှားနဲ့ အပစ်အခတ်ရပ်ဆဲရေး ဆွေးနွေးဖို့ ယူကရိန်းက အသင့်ရှိတယ်လို့ ဇလန်းစကီးက ပြောပါတယ်။

ဒါပေမဲ့ ရုရှားရေနံချက်စက်ရုံတွေကို တိုက်ခိုက်မှုကို ယူကရိန်းက တဖက်သက်အပစ်ရပ်စဲဖို့တော့ ဆန္ဒမရှိဘူးလို့လည်း ဆိုပါတယ်။ 

မီဒီယာတွေ့ဆုံမှုမှာ ဇလန်းစကီးက ရုရှားသမ္မတ ပူတင်၊ ထရမ့်ပ်တို့နဲ့ သုံးပွင့်ဆိုင် တွေ့ဆုံဖို့ လည်း အသင့်ရှိတယ်လို့ ပြောဆိုခဲ့ပါသေးတယ်။

ရုရှားကို ဆွေးနွေးပွဲတွေဆီ အမေရိကန်က ခေါ်လာနိုင်မဲ့နည်းလမ်းကို ရှာတွေ့မယ်လို့ မျှော်လင့်တဲ့ အကြောင်းလည်း ဇလန်းစကီးက ပြောပါတယ်။ 

Source:Reuters