မန်ချက်စတာယူနိုက်တက်ဟာ ဘရန့်ဖို့ဒ်ကို (၂-၁) ဂိုးနဲ့ အနိုင်ရပြီး နောက်ရာသီ ချန်ပီယံလိဂ်ဝင်ခွင့်အတွက် သေချာသလောက် ဖြစ်သွားပါပြီ။

ဒီနိုင်ပွဲကြောင့် ယာယီနည်းပြ မိုက်ကယ်ကားရစ်ဟာ အသင်းကို အဆင့် ၃ နေရာမှာ ဆက်ထိန်းထားနိုင်သလို နည်းပြချုပ်အဖြစ် အတည်ခန့်ခံရဖိုလည်း အခြေအနေ ကောင်းသွားတာပါ။

ပွဲမှာ ကတ်စီမီရိုနဲ့ ဆက်စကိုတို့က ဂိုးတွေ သွင်းယူပေးခဲ့တာဖြစ်ပြီး အသင်းခေါင်းဆောင် ဘရူနိုဖာနန်ဒက်စ်ကတော့ ဒီရာသီ ၁၉ ကြိမ်မြောက် ဂိုးဖန်တီးမှုကို ပြုလုပ်ကာ ခြေစွမ်းပြခဲ့ပါတယ်။

ယူနိုက်တက်အနေနဲ့ ရာသီကုန်မှာ ဝါရင့်ကစားသမားတချို့ကို လက်လွှတ်ရဖို့ ရှိနေတာကြောင့် အဓိက ကစားသမား ဘရူနိုကို စာချုပ်သစ်ချုပ်ဖို့ လာမဲ့နွေရာသီမှာ အရေးကြီးဆုံး ဖြစ်လာမှာပါ။

ဘရန့်ဖို့ဒ်ကတော့ ပွဲနှောင်းပိုင်းမှာ ချေပဂိုးတဂိုး ပြန်သွင်းပြီး ဖိအားပေးနိုင်ခဲ့ပေမဲ့ ယူနိုက်တက်ကို မကျော်ဖြတ်နိုင်ခဲ့ပါဘူး။