မန္တလေးအခြေစိုက် သတင်းဌာနဖြစ်တဲ့ Voice of Myanmar ရဲ့ အယ်ဒီတာချုပ် ကိုနေမျိုးလင်းကို အကြမ်းဖက်စစ်အုပ်စုက မေးမြန်းစရာရှိတယ်ဆိုပြီး ဧပြီ ၂၇ ရက် မနက်ပိုင်းက နန်းတွင်းထဲကို လာဖို့ခေါ်ယူခဲ့ကာ  မိသားစုနဲ့ အဆက်သွယ်မရဖြစ်နေပါတယ်။

ကိုနေမျိုးလင်းနဲ့အတူ Voice of Myanmar က သတင်းထောက် ကိုရှိုင်းအောင် ပါ လိုက်သွားခဲ့တယ်လို့ သိရပါတယ်။

အဖမ်းဆီးခံရတာနဲ့ ပတ်သက်ပြီး ကိုနေမျိုးလင်းရဲ့ ဇနီးကတော့ တိတိကျကျ မသိရသေးဘူးလို့ ဆိုပါတယ်။

ကိုနေမျိုးလင်းဟာ ၂၀၂၀  မတ်လကလည်း  ရက္ခိုင့်တပ်တော် (အေအေ) အဖွဲ့ကို ဆက်သွယ်မေးမြန်းထားတဲ့ သတင်းဖော်ပြခဲ့တာကြောင့် အကြမ်းဖက်တိုက်ဖျက်ရေးပုဒ်မနဲ့ ဖမ်းဆီးခံခဲ့ရပြီး အမှုမမြောက်ဆိုကာ တရားရုံးက ဆုံးဖြတ်တာကြောင့် လွတ်မြောက်လာခဲ့ပါတယ်။