မြန်မာနိုင်ငံတဝန်း တိုင်းနဲ့ပြည်နယ် မြို့နယ်အသီးသီးက အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှာ တာဝန်ထမ်းဆောင်နေတဲ့  လက်ထောက်ညွှန်ကြားရေးမှူး ၂ ဦး အပါအဝင် အောက်ခြေရုံး စောင့်အထိ စုစုပေါင်း  ၂၅၄ ဦး CDM ပါဝင်ထားတယ်လို့ သိရပါတယ်။

“ကျနော်တို့လဝကဝန်ထမ်းတွေ CDM မှာ ပါဝင်မှုနည်းပါတယ်။ အဲဒါကြောင့်  CDM ပါတဲ့သူတွေအတွက်လည်း အားတက်အောင်။ မပါဝင်သေးသူတွေအတွက်လည်း ပါဝင်‌လာအောင် CDM လဝက groupက သတင်းထုတ်ပြန်တာပါ” လို့ လဝက ဝန်ထမ်းတစ်ဦးကပြောပါတယ်။

ဖေဖော်ဝါရီ ၁ ရက် စစ်အာဏာသိမ်းပြီးချိန်ကစပြီး ပြည်သူလူထုနဲ့အတူဌာနဆိုင်ရာ ဝန်ထမ်းတွေကလည်း စစ်အာဏာသိမ်းမှုကိုဆန့်ကျင်တော်လှန်နေခဲ့ကြတာဖြစ်ပြီး စစ်အာဏာသိမ်းမှု ၃၈ ရောက်မြောက်နေ့အထိ CDM ဝန်ထမ်းတွေ သောင်းနဲ့ချီရှိနေပြီ ဖြစ်ပါတယ်။