မကွေးတိုင်း၊ တောင်တွင်းကြီးမြို့က ကမ္ဘာ့အမွေအနှစ်စာရင်းဝင် နှစ်ပေါင်း ၁၀၀၀ ကျော် သက်တမ်းရှိ ရတနာဗိမာန်ကြီး ဘုရားကို အစိုးရရဲ့ ခွင့်ပြုရန်ပုံငွေ ကျပ်သိန်း ၃၅၀ အသုံးပြုပြီး ကျွမ်းကျင်ပညာရှင်တွေက ပြန်ပြုပြင်ပေးနေတယ်လို့ ကမ္ဘာ့အမွေအနှစ်ဒေသများဌာနခွဲ ဗိဿနိုးဌာနစုတာဝန်ခံ ဒုတိယညွှန်ကြားရေးမှူး ဦးခင်ဇော်က ပြောပါတယ်။

အခု ၂၀၂၀-၂၀၂၁ ခုနှစ် ဘဏ္ဍာနှစ်မှာလည်း ဘုရားကြီးကို ဆက်လက်ပြုပြင်နိုင်အောင် ကျပ်သိန်း ၇၀၀ ခွင့်ပြုပေးဖို့ ရှေးဟောင်သုတေသနဦးစီးဌာနရုံးချုပ်ကို တောင်းခံထားပြီး လွှတ်တော်ကိုလည်း တင်ပြထားတယ်လို့ ဆိုပါတယ်။

အဲဒီရှေးဟောင်းဘုရားရဲ့ အာရုံခံ မုခ်ဦးကို စတင်ပြုပြင်ပေးခဲ့ပြီးတော့ ဘုရားရဲ့ တိုက်မကြီးအတွင်းက ဆင်တုတော် ၄ ဆူကိုလည်း ပြန်လည်တူးဖော်ကာ အခုနှစ်ထဲမှာ အပြီးပြုပြင်သွားမယ်လို့ ဆိုပါတယ်။

တောင်တွင်းကြီးမြို့က ရတနာဗိမာန်ကြီးဘုရားကို AD ၈၅၃ ခုနှစ်က တည်ထားကိုးကွယ်ခဲ့တာလို့ သိရပါတယ်။

မင်းထီး