လိဒ်စ်နှင့်ပွဲတွင် သရေကျခဲ့သည့် စပါးအသင်း တန်းဆင်းဇုန်အန္တရာယ်ဆက်ရှိနေ

စပါးအသင်းဟာ လိဒ်စ်ယူနိုက်တက်နဲ့ အိမ်ကွင်းမှာ (၁-၁) ဂိုးနဲ့ သရေကျခဲ့တာကြောင့် တန်းဆင်းဇုန်ကနေ အပြီးသတ်လွတ်မြောက်မဲ့ အခွင့်အရေးကို လက်လွှတ်ခဲ့ရပါတယ်။

မာသီးစ်တဲလ်ရဲ့ သွင်းဂိုးနဲ့ ဦးဆောင်နိုင်ခဲ့ပေမဲ့ ရစ်ချာလီဆန်က အပိုင်ဂိုးလွဲချော်ခဲ့လို့ အသင်းရဲ့ ဖိအားတွေကို မလျှော့ချနိုင်ခဲ့တာပါ။

ပွဲချိန် ၇၄ မိနစ်မှာတော့ ဂိုးသွင်းခဲ့သူ တဲလ်ကပဲ ပင်နယ်တီပေးခဲ့ရလို့ လိဒ်စ်အတွက် ကာလ်ဗတ်လူဝင်က ချေပဂိုး သွင်းယူသွားခဲ့ပါတယ်။

နည်းပြ ဒီဇာဘီကတော့ ကစားသမားတွေ အမှားများခဲ့ပေမဲ့ လက်ကျန်ပွဲတွေမှာ ဆက်လက်တိုက်ပွဲဝင်သွားရမှာဖြစ်ကြောင်း ပြောဆိုခဲ့ပြီး လက်စွမ်းပြခဲ့တဲ့ အရန်ဂိုးသမား ကင်စကီးကိုလည်း ချီးကျူးခဲ့ပါတယ်။

စပါးဟာ အဆင့် ၁၇ က ဝက်စ်ဟမ်းနဲ့ ၂မှတ်သာ ကွာဟပြီး လက်ကျန်ပွဲတွေမှာ ချဲလ်ဆီး၊ အဲဗာတန် အသင်းတွေနဲ့ ကစားသွားရမှာ ဖြစ်ပါတယ်။