မနေ့ညက ထုတ်ပြန်တဲ့ ကိုဗစ်-၁၉ ပိုးတွေ့လူနာအသစ် ၁,၁၉၄ ယောက်ထဲမှာ ရန်ကုန်တိုင်း က ၈၈၄ ယောက်နဲ့ အများဆုံးပါဝင်တယ်လို့ ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ ညနေ ၆ နာရီ ထုတ်ပြန်ချက်အရ သိရပါတယ်။

ရန်ကုန်တိုင်းက အတည်ပြုလူနာတွေထဲမှာ လှိုင်သာယာက ၈၃ ယောက်၊ မင်္ဂလာဒုံနဲ့  မြောက်ဉက္ကလာပမြို့နယ်တွေက ၈၁ ယောက်စီ၊ သင်္ဃန်းကျွန်းနဲ့ တာမွေက ၆၁ ယောက်စီနဲ့ အများဆုံးဖြစ်ပြီး စုစုပေါင်း မြို့နယ်ပေါင်း  ၄၁ မြို့ နယ်  ပါဝင်နေတာ ဖြစ်ပါတယ်။

တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ ပဲခူးတိုင်းမြို့နယ် ၁၈  ခုမှာ ၁၃၁ ယောက်၊ မန္တလေးတိုင်းမြို့နယ် ၁၄ ခုမှာ ၈၅ ယောက်၊ ဧရာဝတီတိုင်း ၈ မြို့နယ်မှာ   ၂၄ ယောက်၊ ရခိုင်ပြည်နယ်မြို့နယ် ၇ ခုမှာ ၂၅ ယောက်၊ မကွေးတိုင်းမြို့နယ် ၅ ခုမှာ ၇ ယောက်၊ စစ်ကိုင်းတိုင်းမြို့နယ် ၄ ခုမှာ ၈ ယောက်၊ မွန်ပြည်နယ်မြို့နယ်  ၂ ခုမှာ ၉  ယောက်၊ ကရင်ပြည်နယ် ဘားအံမြို့နယ်မှာ ၂  ယောက်၊ ရှမ်းပြည်နယ်တောင်ပိုင်း မြို့နယ် ၃ ခုမှာ  ၉ ယောက်၊ ရှမ်းပြည်နယ်မြောက်ပိုင်း မြို့နယ် ၄ ခုမှာ ၇ ယောက်၊ ကချင်ပြည်နဘ် မြို့နယ် ၂ ခုမှာ ၂ ယောက်၊ တနင်္သာရီတိုင်း ထားဝယ်မြို့နယ်မှာ ၁ ယောက် အသီးသီးတွေ့ရှိခဲ့ပါတယ်။

ဓာတ်ခွဲအတည်ပြုလူနာသစ်တွေထဲမှာ အနံ့မရရှိသူ  ၂၃၇ ယောက်  ပါဝင်တယ်လို့ ကျန်းမာ ရေးနဲ့ အားကစားဝန်ကြီးဌာနက ထုတ်ပြန်ထားပါတယ်။

သင်္ဃန်းကျွန်းမြို့နယ်က အတည်ပြုလူနာတွေထဲမှာတော့ ပြည်ပက ပြန်လည်ရောက်ရှိလာပြီး အသွားအလာကန့်သတ်ထားရှိသူ ၁ ယောက် ပါဝင်နေတာ ဖြစ်ပါတယ်။

မြန်မာနိုင်ငံမှာ အောက်တိုဘာ ၂၁ ရက် ည ၈ နာရီအထိ ကိုဗစ်-၁၉ အတည်ပြုလူ နာစုစုပေါင်း ၃၉,၆၉၆ ယောက်၊ သေဆုံးသူ ၉၇၂ ယောက်နဲ့ ဆေးရုံက ဆင်းခွင့်ရသူပေါင်း ၁၈,၈၆၅ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။

ကမ္ဘာတဝန်းမှာတော့ ဒီနေ့ညနေအထိ ကိုဗစ်-၁၉ အတည်ပြုလူနာ ၄၁ ဒသမ ၅ သန်းကျော်၊ သေဆုံးသူ ၁ ဒသမ ၁ သန်းကျော်နဲ့ ရောဂါသက်သာပျောက်ကင်းသူ ၃၀ ဒသမ ၉ သန်းကျော် ရှိနေပြီ ဖြစ်ပါတယ်။