မကွေးမြို့နယ် လျောင်းတော်ဦးကျေးရွာက ရခိုင်ပြည်နယ်က ပြန်လာတဲ့ လူနာအမှတ် ၈၈၃ ကို ကျန်းမာရေးကောင်းမွန်တဲ့အတွက် စက်တင်ဘာ ၁၄ ရက်နေ့က ဆေးရုံကနေ ဆင်းခွင့်ပြုလိုက်ပြီလို့ မကွေးတိုင်းဒေသကြီး ပြည်သူ့ကျန်းမာရေးဦးစီးဌာနကနေ သိရပါတယ်။
မကွေးတိုင်းဒေသကြီး ပြည်သူ့ကျန်းမာရေးဦးစီးဌာန လပ်ထောက်ညွှန်ကြားရေးမှူး ဒေါက်တာ ခင်မောင်သန်းက " လူနာအမှတ် ၈၈၃ ဟာ သင်ကြားရေးဆေးရုံမှာ ဆေးကုသမှုခံယူပြီး ကျန်းမာရေးကောင်းမွန်တဲ့အတွက် ဆေးရုံဆင်ခွင့်ပြုလိုက်ပြီ။ ကိုဗစ်-၁၉ အတည်ပြည်လူနာတွေကို အရင်ကလို့ Negative နှစ်ကြိမ်ပြစရာမလိုဘဲ ဆေးရုံမှာ ၁၄ ရက်တက်ရောက်ပြီးက ကျန်းမာရေးကောင်းမွန်ကာ ရောဂါလက္ခဏာမပြဘူးဆိုရင် ဆေးရုံဆင်းခွင့်ပြုတယ်”လို့ ဆိုပါတယ်။
ဆေးရုံဆင်းခွင့်ရတဲ့ လူနာအမှတ်-၈၈၃ ကို မကွေးမြို့ ပညာရေးကောလိပ်မှာ Facility Quarantine ၇ ရက်ထားရှိပြီးမှ နေအိမ်ကို ပြန်ခွင့်ပြုမှာဖြစ်တယ်လို့လည်း ပြောပါတယ်။
အတည်ပြုလူနာဟာ ရခိုင်ပြည်နယ်ကို အလုပ်သမားသွားပို့ပြီး အပြန် ဓာတ်ခွဲနမူနာပေးပို့ စစ်ဆေးခဲ့ရာ စက်တင်ဘာ ၁ ရက်နေ့က ကိုဗစ်-၁၉ ရောဂါပိုးတွေ့ရှိခဲ့တာဖြစ်တယ်လို့ ဆိုပါတယ်။
မကွေးတိုင်းဒေသကြီးအတွင်းက ဆေးရုံတွေမှာတော့ လက်ရှိအချိန်ထိ ကိုဗစ်-၁၉ စောင့်ကြည့် သံသယလူနာ ၅၆ ဦးတက်ရောက်ကုသနေပြီး နှာခေါင်းတို့ဖတ်၊ အာခေါင်တို့ဖတ်တို့ ရယူကာ ဓာတ်ခွဲနမူနာ ပေးပို့စစ်ဆေးနေတယ်လို့ တိုင်းဒေသကြီး ပြည်သူ့ကျန်းမာရေးဦးစီးဌာန ကနေ သိရပါတယ်။
သတင်း-မင်းထီး
