ဇွန် ၉ ရက်နေ့အတွက် ဒုတိယအသုတ်အဖြစ် ဓာတ်ခွဲနမူနာ စုစုပေါင်း ၉၈၄ ခုအား စစ်ဆေးချက်အရ ကိုဗစ်-၁၉ ရောဂါ ဓာတ်ခွဲ အတည်ပြုလူနာသစ် မတွေ့ရှိရဘူးလို့ ကျန်မာရေးဝန်ကြီးဌာနက ဒီနေ့မနက် ၈ နာရီမှာ ထုတ်ပြန်ပါတယ်။
အမျိုးသားကျန်းမာရေးဓာတ်ခွဲမှုဆိုင်ရာဌာန(ရန်ကုန်) က ဓာတ်ခွဲနမူနာ ၆၄၉ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က ဓာတ်ခွဲနမူနာ ၂၆၁ ခုနဲ့ ရန်ကုန်မြို့၊ အမှတ်(၁) တပ်မတော် ဆေးရုံကြီး၊ ခုတင် (၁၀၀၀)က ဓာတ်ခွဲနမူနာ ၇၄ ခု၊ စုစုပေါင်း ၉၈၄ ခုကို စစ်ဆေးခဲ့တာပါ။
ပထမအသုတ် ဓာတ်ခွဲနမူနာ ၁၀၇၀ ခုကို စစ်ဆေးရာမှာတော့ ရန်ကုန်တိုင်းနဲ့ ရှမ်းပြည်နယ်တို့မှာ ကိုဗစ်-၁၉ အတည်ပြုလူနာသစ် ၂ ဦး စစ်ဆေးတွေ့ရှိရတယ်လို့ ကျန်းမာရေးနဲ့ အားကစားဝန်ကြီးဌာနက မနေ့ည ၈ နာရီမှာ သတင်းထုတ်ထားပါတယ်။
မြန်မာနိုင်ငံမှာ ဇွန်လ ၁၀ ရက် မနက် ၈ နာရီအထိ ကိုဗစ်-၁၉ အတည်ပြုလူနာ ၂၄၆ ဦး၊ သေဆုံးသူ ၆ ဦး၊ ရောဂါကင်းစင်သူ ၁၅၉ ဦးနဲ့ ဆေးရုံကဆင်းခွင့်ပြုသူ ၁၄၅ ဦး ရှိသွားပြီ ဖြစ်ပါတယ်။
