အိမ်ရှင် အမေရိကန်အသင်းဟာ ကမ္ဘာ့ဖလားအကြို နောက်ဆုံးခြေစမ်းပွဲအဖြစ် ဂျာမနီနဲ့ ယှဉ်ပြိုင်ခဲ့တာမှာ  (၂-၁) ဂိုးနဲ့ ရှုံးနိမ့်ခဲ့ပါတယ်။

ပထမပိုင်း ပွဲအစ ၂ မိနစ်မှာတင် ဟာဗက်ဇ်က ဂျာမနီအတွက် ဦးဆောင်ဂိုး သွင်းယူခဲ့တာပါ။ အမေရိကန်အတွက် ချေပဂိုးကိုတော့ အန်တိုနီ ရော်ဘင်ဆင်က လှပတဲ့ ကန်ချက်နဲ့ သွင်းယူပေးခဲ့ပါတယ်။ ဒုတိယပိုင်းမှာတော့ ဆာနေးက ဂျာမနီအတွက် အနိုင်ဂိုး ထပ်သွင်းသွားခဲ့တာပါ။

နည်းပြ ပိုချက်တီနိုရဲ့ အမေရိကန်အသင်းဟာ တိုက်စစ်ပိုင်း ကောင်းမွန်ခဲ့ပေမဲ့ ခံစစ်ပိုင်း လျော့ရဲတဲ့ အားနည်းချက်တွေ ရှိနေဆဲ ဖြစ်ပါတယ်။ 

ဒါဟာ အမေရိကန်အသင်းအတွက် ဥရောပအသင်းတွေနဲ့ တွေ့ဆုံမှုမှာ ၉ ပွဲဆက်တိုက် ရှုံးနိမ့်ခဲ့တာလည်း ဖြစ်ပါတယ်။ 

အမေရိကန်အသင်းဟာ လာမဲ့သီတင်းပတ်မှာ ပါရာဂွေးအသင်းနဲ့ ကမ္ဘာ့ဖလား အဖွင့်ပွဲစဉ် ယှဉ်ပြိုင်ရမှာ ဖြစ်ပါတယ်။