ဩဂုတ်လအတွင်း စစ်အုပ်စု အကြမ်းဖက်မှုကြောင့် ပြည်သူအယောက် ၂၄၀ ကျော် သေဆုံး
DVB
·
September 26, 2026
၂၀၂၆ ခုနှစ်၊ ဩဂုတ်လပိုင်းအတွင်း စစ်အာဏာရှင်တပ်ဘက်က အကြမ်းဖက်မှုကြောင့် အရပ်သား ၂၄၁ ယောက် သေဆုံးတယ်လို့ အမျိုးသားညီညွတ်ရေးအစိုးရ (NUG) ကာကွယ်ရေး၀န်ကြီးဌာန က စက်တင်ဘာ ၂၆ ရက်မှာ ထုတ်ပြန်ပါတယ်။
စစ်တပ်ရဲ့ အကြမ်းဖက်မှုတွေကြောင့် အရပ်သား သေဆုံးသူ ၂၄၁ ယောက်၊ ဒဏ်ရာရရှိသူ ၃၇၁ ယောက်၊ ကလေးသေဆုံးသူ ၂၃ ယောက်၊ နေအိမ်ဖျက်ဆီးခံရတာ ၆၀၅ လုံး၊ ဘာသာရေး အဆောက်အအုံဖျက်ဆီးခံရတာ ၉ လုံး၊ ပညာရေးအဆောက်အအုံ ဖျက်ဆီးခံရတာ ၅ လုံး ရှိတယ်လို့ ဆိုပါတယ်။
ဩဂုတ်လအတွင်း အာဏာသိမ်းစစ်တပ်နဲ့ လက်အောက်ခံတပ်တွေရဲ့ အကြမ်းဖက်မှုဖြစ်စဉ် ၈၂၁ ကြိမ် ရှိတယ်လို့ ထုတ်ပြန်တဲ့အချက်အလက်မှာ ဖော်ပြပါတယ်။
စစ်အာဏာရှင်တပ်ဟာ နိုင်ငံတကာစစ်ဥပဒေကို မလိုက်နာဘဲ မြေမြင်၊ ရေပြင်နဲ့ ဝေဟင်ကနေ အရပ်သားပြည်သူတွေကိုမရှောင် ပစ်မှတ်အဖြစ် တိုက်ခိုက်နေတာ ဖြစ်ပါတယ်။
Live
